Parlament palatalarynyń birlesken otyrysynda Premer-ministr Oljas Bektenov «DÓO alqaby» jobasy elimizdiń tsifrlyq damýy úshin mańyzdy ekenin túsindirdi, dep habarlaidy dalanews.kz.
Derekter ortalyqtary jasandy intellekt pen tsifrlyq qyzmetterdi jáne jańa derekter ekonomikasyn damytýdyń negizgi infraqurylymyna ainalatyny atap ótildi. Osyǵan bailanysty Qazaqstan úshin syrtqy esepteý qýatyn paidalaný ǵana emes, sonymen qatar óz infraqurylymyn qurý da mańyzdy.
«Qazirgi tańda barlyq memlekettik organdardyń derekteri Astana qalasynda bir DÓO-da saqtalyp jatyr. Ol DÓOniń qýattylyǵy 6 MVt. Al biz qazirgi tańda Ekibastuzda júrgizilip jatqan jumystyń arqasynda kelesi jyldyń birinshi jarty jyldyǵynda 125 megavattyq DÓO-ny iske qosamyz. Jáne 2028 jyly dál osyndai 125 megabattyq taǵy bir DÓO-ny iske qosamyz degen josparlarymyz bar. Biz bul jumysty ári qarai da jalǵastyramyz», — dep atap ótti Oljas Bektenov.
Bul baǵytqa halyqaralyq tehnologiialyq kompaniialar qyzyǵýshylyq tanytyp otyr. Atap aitqanda, strategiialyq seriktesi NVIDIA bolyp sanalatyn Firebird-pen kelisimderge qol jetkizildi. Qarastyrylyp otyrǵan investitsiia kólemi shamamen $10 mlrd-ty quraidy.
Mundai infraqurylymdy damytý Qazaqstanǵa Tsifrlyq derbestikti nyǵaitýǵa, derekterdi saqtaý men óńdeýdiń senimdiligin arttyrýǵa, sondai-aq AI-esepteýlerdi, «bultty» servisterdi jáne tsifrlyq qyzmetter eksportyn odan ári damytý úshin negiz qurýǵa múmkindik beredi.
