Adamnyń ishki organdaryn alyp-satýmen ainalysqan qylmystyq top ustaldy (video)
Almaty qalasy, Almaty, Jambyl jáne Túrkistan oblystaryndaǵy uiymdasqan qylmysqa qarsy kúres bólinisterimen 22 figýrant (uiymdastyrýshylar, meditsina qyzmetkerleri, notariýs, retsipientter men donorlar) jetkizildi. Olar retsipientter men donorlardy izdeý, jalǵan qujattardy resimdeý jáne ishki organdardy transplantatsiialaý boiynsha operatsiialardy uiymdastyrý mindetterin ózara bólisip, áreket etken.
Kelisim somasy 6-10 million teńge, osyndai segiz fakt anyqtaldy. Úsh negizgi uiymdastyrýshy qamaldy. Izdestirý is-sharalarynyń nátijeleri boiynsha kúdiktilerden aqsha, qujattama, tsifrlyq tasymaldaǵyshtar jáne basqa da zattai dáleldemeler tárkilendi.
"Halyq densaýlyǵy jáne densaýlyq saqtaý júiesi týraly" Qazaqstan Respýblikasynyń Kodeksine sáikes transplantatsiialaý kezinde adam aǵzalary men tinderin alyp-satýǵa tyiym salynady.
QR QK-niń 116-baby boiynsha "Adamnyń aǵzalary men tinderin alyp qoiýǵa májbúrleý nemese zańsyz alyp qoiý" sotqa deiingi tergep-tekserý júrgizilip jatyr. Baptyń sanktsiiasy múlki tárkilenip, on eki jylǵa deiin bas bostandyǵynan aiyrý túrindegi jazany kózdeidi. QPK-niń 201-babyna sáikes ózge aqparat jariia etýge jatpaidy.
…
Aitqandai, eks-premer Asqar Máminge tyqyr taiandy. Tolyǵyraq osy jerde: https://t.me/dalainside/1531
https://youtu.be/7mRsoYCbT48
