IIM naýryzda kezekti keń aýqymdy "STOP-trafik" operatsiiasyn júrgizdi. Is-sharanyń úsh kúninde politseiler adam saýdasyna, adamdardy, onyń ishinde kámeletke tolmaǵandardy jezókshelikpen ainalysýǵa tartýǵa, pritondar ustaýǵa jáne jeńgetailyqqa bailanysty 40 qylmysty anyqtaǵan. Sondai-aq, jezókshelikpen ainalysýǵa arnalǵan úi-jailar usyný boiynsha 156 jáne qoǵamdyq oryndarda adamdardy mazalaý boiynsha 640 ákimshilik quqyqbuzýshylyq tirkeldi, - dep habarlaidy Dalanews.kz.
Túrli zaýyttardyń, bazarlardyń jáne qurylys nysandarynyń aýmaǵynda reidtik is-sharalar júrgizilgen. Mysaly, Jambyl oblysynda zaýyttardyń biriniń aýmaǵynda kóshi-qon zańnamasyn buza otyryp (eńbek sharttary, vizalar (S-3 nysany) jáne Qazaqstanǵa kelgeni týraly habarlamalar bolmaǵan), jumys istegen sheteldik azamattar anyqtalyp, politsiiaǵa jetkizildi.
Osyǵan uqsas derek Soltústik Qazaqstan oblysynda anyqtaldy, onda qurylys nysandarynyń biriniń aýmaǵynda kóshi-qon zańnamasyn buzǵan 14 sheteldik jumys istegen. Quqyqbuzýshylarǵa qatysty ÁQBtK-niń 517-baby 5-bóligi boiynsha (sheteldiktiń nemese azamattyǵy joq adamnyń QR halyqtyń kóshi-qony salasyndaǵy zańnamasyn buzýy) jáne ÁQBtK-niń 492-baby 4-bóligi boiynsha (QR-da tirkeýsiz nemese jeke basyn kýálandyratyn qujattarsyz turý) ákimshilik hattamalar túzilip, sotqa joldandy.
Shymkent qalasy Politsiia departamenti uiymdasqan qylmysqa qarsy kúres basqarmasynyń qyzmetkerleri tórt adamnan turatyn topty ustady. Olar uzaq ýaqyt boiy 18 ben 23 jas aralyǵyndaǵy qala turǵyndaryn jaldamaly páterlerde jezókshelikpen ainalysýǵa tartqan. Kúdiktiler jábirlenýshilerdi intim sýrettermen bopsalap otyrǵan. Kórsetilgen derekter boiynsha QK-niń 308-baby 2-bóligi (jezókshelikpen ainalysýǵa tartý) jáne QK-niń 309-baby 2-bóligine (Jeńgetailyq) sáikes eki qylmystyq is tirkeldi. Kúdiktiler ýaqytsha ustaý izoliatoryna qamaldy.
Almaty qalasynda politsiia qyzmetkerleri "bodi-massaj" salondaryn uiymdastyrǵan jeti adamdy ustap, ýaqytsha ustaý izoliatoryna qamady. Sotaldy tergeý jeńgetailyq deregi boiynsha júrgizilip jatyr.
Túrkistan oblysynda oblys prokýratýrasynyń úilestirýimen Qyzylorda oblysynyń 2007 jyly jáne 2006 jyly týǵan eki turǵyny ustaldy. Olar Telegram jelisiniń jabyq toptarynda kámeletke tolmaǵandardyń qatysýymen pornografiialyq beinejazbalardy satýmen ainalysqan. Bul derek QK-niń 312-baby 1-bóligi boiynsha SDTBT-ne tirkelgen (kámeletke tolmaǵandardyń pornografiialyq beineleri bar materialdardyń nemese zattardy daiyndaý jáne ainalymy ne olardy pornografiialyq sipattaǵy oiyn-saýyq is-sharalaryna qatysý úshin tartý).
Uiymdastyrýshy ýaqytsha ustaý izoliatoryna qamaldy.
Abai oblysynda byltyr jeltoqsanda oblystyń eki turǵynyn sharýa qojalyqtarynda paidalaný úshin satqan Aiagóz qalasynyń turǵyny anyqtaldy. Osy derek boiynsha QK-niń 128-baby 1-bóligimen (adam saýdasy) sotaldy tergeý bastalyp, qylmystyq ister qozǵaldy.
Qaraǵandy oblysy PD uiymdasqan qylmysqa qarsy kúres basqarmasynyń qyzmetkerleri 60 jastaǵy er adamdy ustady. Ol aqsha úshin qyzdardyń analarymen olarǵa qatysty jynystyq sipattaǵy azǵyndyq áreketterdi odan ári jasaý jáne balalar pornografiiasyn jazý maqsatynda kelisimder jasaǵan.
"Barlyq kúdikti ýaqytsha ustaý izoliatoryna qamaldy. QK-niń 121-baby 4-bóligi boiynsha (kámeletke tolmaǵandarǵa qatysty seksýaldyq sipattaǵy zorlyq-zombylyq áreketteri) jáne QK-niń 135-baby (kámeletke tolmaǵandar saýdasy) boiynsha sotaldy tergep-tekserý bastaldy", - dep jazylǵan habarlamada.
