«Qazaqstan Respýblıkasyndaǵy saılaý týraly» Konstıtýsıalyq zańnyń 89-babyna sáıkes, tirkeýge bir saıası partıadan oǵan saıası partıalar arasynda bólinetin depýtattyq mandattardyń belgilengen sanynyń 30 paıyzynan aspaıtyn adamdar sany engizilgen bir ǵana tizim jiberiledi. Partıalyq tizimde áıelder men 29 jasqa tolmaǵan adamdardyń sany oǵan engizilgen adamdardyń jalpy sanynyń keminde 30 paıyzyn quraýǵa tıis» dedi QR OSK múshesi Asylbek Smaǵulov.
Onyń aıtýynsha, «ADAL» partıasynyń partıalyq tiziminde 16 adam bar, oǵan bes áıel jáne 29 jasqa tolmaǵan azamattar engizilgen. Iaǵnı bul tizimge engizilgenderdiń jalpy sanynyń 31,2 paıyzyn quraıdy.
Ortalyq saılaý komısıasy ýákiletti organdarmen birlesip, Májilis depýtaty bolyp saılaný úshin partıalyq tizimge engizilgen adamdardyń Konstıtýsıa men «Saılaý týraly» Konstıtýsıalyq zańnyń talaptaryna sáıkestigine tekserý júrgizdi.
«Partıalyq tizimge engizilgen barlyq adamdar Konstıtýsıanyń jáne «Saılaý týraly» konstıtýsıalyq zańnyń talaptaryna sáıkes keledi», - dedi ol. Osyǵan baılanysty Ortalyq saılaý komısıasynyń músheleri «2021 jylǵy 10 qańtarǵa taǵaıyndalǵan Qazaqstan Respýblıkasy Parlamenti Májilisi depýtattarynyń kezekti saılaýyna «ADAL» partıasynyń partıalyq tizimin tirkeý týraly» qaýly qabyldady.
