“2 qyrkuıek kúni 20:35-te “Ábý-Dabı Plaza” kesheni qurylysy aýmaǵynda úndistandyq jáne qazaq jumysshylar arasynda qaqtyǵys boldy. Daý kúzetshiniń mas kúıdegi úndi jumysshysyn nysan aýmaǵynan shyǵarmaı qoıýynan bastalǵan. Sosyn ol óziniń otandastaryn shaqyryp, kúzetshini sabap, keıin kúzetshi úshin qazaq jigitteri arasha túsip, tóbeles bastalady. Tóbeleske 30-dan astam adam qatysqan. Oqıǵa orynyna Úndistan elshis, jergilikti bılik ókilderi men kompanıa adamdary keldi”, – dedi baspasóz hatshysy Almas Sádýbaev.
Onyń sózinshe, ishki ister qyzmetkerleri oqıǵa ári qaraı órbip ketpes úshin tıisti sharalardy júrgizgen. Qaqtyǵys kezinde qurban bolǵandar men zardap shekkender joq. Tek eki adam ǵana jeńil jaraqat alǵan.
Oqıǵandan keıin Ábý-Dabı Plaza aýmaǵyn quqyq qorǵaý organdary men arnaıy jasaq qorshaýǵa alyp, qaýipsizdikti qamtamasyz etken.
Sonymen qatar, daý kezinde oqıǵa orynyna kelgen qala ákimi Áset Isekeshev te jaǵdaıdy barynsha túsindirýge tyrysqan.
https://www.youtube.com/watch?v=sd1YFG3eoYU
https://www.youtube.com/watch?v=DLFZSm-r8ME
