Jambyl oblysynda buryn Muhtar Ábliazovke qatysty kompaniiaǵa zańsyz berilgen jer telimderi qaitaryldy, - dep habarlaidy Dalanews.kz.
"Jambyl oblystyq sotynyń azamattyq ister jónindegi sot alqasy Taraz qalalyq sotynyń 13.07.2018 jylǵy "Noǵaibai-Kazexim" JShS-niń jeke sot oryndaýshylarynyń (TJK) elektron aýktsion qorytyndylary týraly hattamalardy zańsyz dep taný jáne olardyń kúshin joiý týraly shaǵymyn qanaǵattandyrýdan bas tartý jónindegi sheshimine prokýrordyń apelliatsiialyq ótinishin qarady", - dep jazylǵan FBRK málimetinde.
Arna málimetinshe, 2006 jyly nesie alý úshin "Qazeksim" JShS 14000 gektardan asatyn 16 jer ýchaskesin BTA bankine zańsyz kepilge bergen. Alaida jerdi paidalanýshylar nesie sharty men jer ýchaskeleri kepilge berilgenin 2010 jyly qyrkúiekte ǵana bilgen.
Sondai-aq, sotta 2010 jáne 2017 jyldary "Qazeksim" bas direktory Muhtar Ábliazov pen basqa da adamdar sottalǵany aityldy. Olardan bank paidasyna materialdyq zalal óndirilgen.
"2011 jyly borysh qaitarylmaýyna bailanysty Jambyl oblysynyń prokýrory "BTA Banki" AQ múddesi úshin sotqa talap aryzben júgingen. Sottyń 2011 jylǵy sheshimimen "Qazeksim" JShS-nen bank paidasyna jaýapkerlerdiń múlkinen óndirip alý jolymen 3 milliard teńgeden asa qaryz óndirilgen", - dep habarlady sotta.
2016 jyly qyrkúiekte jeke sot oryndaýshylar "Qazeksim" kepilge qoiǵan múlikti óndirip aldy, al 2018 jyly aýktsiondyq saýda-sattyq nátijeleri boiynsha kompaniianyń 5 jer ýchaskesi satyldy.
"Sot alqasy 2018 jylǵy sot sheshiminiń zańsyz bolǵany týraly qorytyndyǵa keldi, óitkeni jer ýchaskeleri "Qazeksim" JShS-ne zańsyz berilgenin anyqtady, osyǵan bailanysty Qordai aýdanynyń turǵyndaryna qaitarylady. Osylaisha, sot jer paidalanýshylardyń quqyqtary men múddelerin qorǵady", - dep jazylǵan málimette.
