جامبىل وبلىسىندا بۇرىن مۇحتار ابليازوۆكە قاتىستى كومپانياعا زاڭسىز بەرىلگەن جەر تەلىمدەرى قايتارىلدى، - دەپ حابارلايدى Dalanews.kz.
"جامبىل وبلىستىق سوتىنىڭ ازاماتتىق ىستەر جونىندەگى سوت القاسى تاراز قالالىق سوتىنىڭ 13.07.2018 جىلعى "نوعايباي-Kazexim" ءجشس-نىڭ جەكە سوت ورىنداۋشىلارىنىڭ (تجك) ەلەكترون اۋكسيون قورىتىندىلارى تۋرالى حاتتامالاردى زاڭسىز دەپ تانۋ جانە ولاردىڭ كۇشىن جويۋ تۋرالى شاعىمىن قاناعاتتاندىرۋدان باس تارتۋ جونىندەگى شەشىمىنە پروكۋروردىڭ اپەللياسيالىق ءوتىنىشىن قارادى"، - دەپ جازىلعان فبرك مالىمەتىندە.
ارنا مالىمەتىنشە، 2006 جىلى نەسيە الۋ ءۇشىن "قازەكسيم" ج ش س 14000 گەكتاردان اساتىن 16 جەر ۋچاسكەسىن بتا بانكىنە زاڭسىز كەپىلگە بەرگەن. الايدا جەردى پايدالانۋشىلار نەسيە شارتى مەن جەر ۋچاسكەلەرى كەپىلگە بەرىلگەنىن 2010 جىلى قىركۇيەكتە عانا بىلگەن.
سونداي-اق، سوتتا 2010 جانە 2017 جىلدارى "قازەكسيم" باس ديرەكتورى مۇحتار ءابليازوۆ پەن باسقا دا ادامدار سوتتالعانى ايتىلدى. ولاردان بانك پايداسىنا ماتەريالدىق زالال وندىرىلگەن.
"2011 جىلى بورىش قايتارىلماۋىنا بايلانىستى جامبىل وبلىسىنىڭ پروكۋرورى "بتا بانكى" اق مۇددەسى ءۇشىن سوتقا تالاپ ارىزبەن جۇگىنگەن. سوتتىڭ 2011 جىلعى شەشىمىمەن "قازەكسيم" جشس-نەن بانك پايداسىنا جاۋاپكەرلەردىڭ مۇلكىنەن ءوندىرىپ الۋ جولىمەن 3 ميلليارد تەڭگەدەن اسا قارىز وندىرىلگەن"، - دەپ حابارلادى سوتتا.
2016 جىلى قىركۇيەكتە جەكە سوت ورىنداۋشىلار "قازەكسيم" كەپىلگە قويعان مۇلىكتى ءوندىرىپ الدى، ال 2018 جىلى اۋكسيوندىق ساۋدا-ساتتىق ناتيجەلەرى بويىنشا كومپانيانىڭ 5 جەر ۋچاسكەسى ساتىلدى.
"سوت القاسى 2018 جىلعى سوت شەشىمىنىڭ زاڭسىز بولعانى تۋرالى قورىتىندىعا كەلدى، ويتكەنى جەر ۋچاسكەلەرى "قازەكسيم" جشس-نە زاڭسىز بەرىلگەنىن انىقتادى، وسىعان بايلانىستى قورداي اۋدانىنىڭ تۇرعىندارىنا قايتارىلادى. وسىلايشا، سوت جەر پايدالانۋشىلاردىڭ قۇقىقتارى مەن مۇددەلەرىن قورعادى"، - دەپ جازىلعان مالىمەتتە.
