«Atameken» Ulttyq kásipkerler palatasy basqarmasynyń eks-tóraǵasy Abylai Myrzahmetovke sot úkimi shyqty, - dep habarlaidy Dalanews.kz.
Astana qalasynyń qylmystyq ister jónindegi mamandandyrylǵan aýdanaralyq sotynda asa iri mólsherde alaiaqtyq jasaǵany úshin Abylai Myrzahmetovke qatysty qylmystyq is qaraldy (QK 190-baby 4-bóliginiń 2) tarmaǵy).
Sotta Myrzahmetov 2022 jylǵy mamyr aiynan qazanǵa deiin B.-ǵa aqshalai syiaqy úshin memlekettik jáne quqyq qorǵaý organdarynyń joǵary laýazymdy tulǵalary arqyly aǵasy B.-ny qamaýdan bosatý jáne oǵan qatysty sotqa deiingi is júrgizýdi toqtatý máselesin sheshýge múmkindiginiń bar ekendigin aita otyryp, jańylystyryp, aldaý jáne senimdi teris paidalaný arqyly, alaiaqtyq jasaý jolymen formaldy túrde qaryz sharttaryn resimdei otryp, B.-nyń asa iri mólsherde 13,9 mlrd. teńge somasynda aqshalai qarajatyn jymqyrǵany anyqtaldy.
Prokýror aiyptaýdy qoldady.
Sottalýshy kinásin moiyndap, ádil jaza taǵaiyndaýdy, qorǵaýshylar is boiynsha is júrgizýdi toqtatýdy surady.
QK-niń 190-baby 4-bóliginiń 2) tarmaǵynyń sanktsiiasy 5 jyldan 10 jylǵa deiingi merzimge bas bostandyǵynan aiyrý túrindegi negizgi jazany kózdeidi.
Sot sottalýshynyń kinásin moiyndaýyn, shyn júrekten ókinýin, ózi jasaǵan qylmysty tergeýge jáne qylmys jasaý nátijesinde alynǵan múlikti izdestirýge járdemdesýin, kámeletke tolmaǵan balasynyń bolýyn jaýapkershilik pen jazany jeńildetetin mán-jailar retinde tanydy.
Qylmystyq jaýaptylyq pen jazany aýyrlatatyn mán-jailar anyqtalǵan joq.
A.Myrzahmetovtiń kinási sottalýshynyń óz kinásin moiyndaýymen, kýálardyń aiǵaqtarymen, qaryz sharttarymen jáne qylmystyq istiń basqa da materialdarymen dáleldendi.
Sot úkimimen A.Myrzahmetov asa iri mólsherde alaiaqtyq jasaǵany úshin kináli dep tanylyp, jergilikti ózin-ózi basqarý organdarynda jáne kvazimemlekettik sektor sýbektilerinde 10 jyl merzimge qyzmet atqarý quqyǵynan aiyryla otyryp, memleket kirisine qylmystyq jolmen alynǵan 5,8 mlrd. teńge somasynda aqsha qarajaty tárkilenip, 5 jylǵa bas bostandyǵynan aiyryldy.
Sot QK-niń 49-babynyń 2-bóligi negizinde QR Prezidentine A.Myrzahmetovti «Qurmet» jáne 3-dárejeli «Barys» ordeni memlekettik nagradalarynan aiyrý týraly usynys engizdi.
A.Myrzahmetovtiń múlkine salynǵan tyiym saqtaldy. Sot úkimi zańdy kúshine engen joq.
