Qazaqstandyq dziýdoshy Ábiba Ábýjaqynova Japoniiada ótip jatqan Aichi–Nagoia Aziia oiyndarynyń jartylai finalyna joldama aldy, dep habarlaidy dalanews.kz.
48 kelige deiingi salmaq dárejesinde synǵa túsken Ábýjaqynova shirek finalda Úndistan ókili Asmita Deimen beldesti. Qazaqstandyq sportshy qarsylasyn ipponmen jeńip, júldege bir taban jaqyndady.
Endi Ábiba final joldamasy úshin Qytai Taibeiiniń ókili Lin Chen-Haomen kezdesedi. Aita keteiik, qazaqstandyq dziýdoshy bul qarsylasyn 2024 jylǵy Parij Olimpiadasynda da ipponmen jeńgen edi.
29 jastaǵy Ábýjaqynova qazir álemdik reitingte 19-orynda tur. Ol 2023 jyly Hanchjoýda ótken Aziia oiyndarynyń kúmis júldegeri atanǵan. Sondai-aq 2025 jylǵy álem chempionatynda kúmis medal ielendi.
