Májilis depýtaty Murat Ábenov dári-dármek naryǵyndaǵy negizgi máseleni atady, dep habarlaidy Dalanews.kz.
Depýtattyń sózinshe, on jyl buryn elde 12,5 myń dári bolsa, qazir olardyń sany kúrt azaiǵan.
“Farmatsevtikalyq mafiia jańa preparattardy kirgizbeidi, óitkeni ózderinikin satqysy keledi. Reseide 18,5 myń dári bolsa, Qazaqstanda nebári 6,5 myń ǵana. Sol sebepti azamattar sapaly dárige qol jetkize almai otyr”, — dedi Ábenov.
Aita keteiik, buǵan deiin 2026 jyly Qazaqstanda dári-dármek pen meditsinalyq quraldardy satyp alý kólemi 7,2%-ǵa ulǵaiatyny týraly jazǵan edik.
2026 jyldan bastap jalpy qajettilik 567 mlrd teńgeden asady.Osy qajettilikti oryndaý úshin memlekettik satyp alý kompaniiasy «SK-Farmatsiia» 2000-nan astam dári-dármek pen meditsinalyq quraldardy satyp alady. Bul 2025 jylmen salystyrǵanda 7,2% artyq.
Sonymen qatar satyp alý protsesi halyqaralyq uiymdar arqyly júzege asyrylady: BUUDB, IýNISEF jáne STOP TB. Halyqaralyq institýttar arqyly satyp alynatyn pozitsiialar sany 23-ten 43-ke deiin, iaǵni 87%-ǵa ósken. Ministrlik bul mehanizmniń artyqshylyǵy retinde álemdik naryqtaǵy básekelestik baǵalar arqyly edáýir únemdeý múmkindigin atap ótti. Únemdelgen qarajat naýqastarǵa qosymsha dári-dármekpen qamtamasyz etýge baǵyttalmaq.
Satyp alynǵan dári-dármek pen meditsinalyq quraldardyń qoimalarǵa jetkizilýi biylǵy jyldyń jeltoqsan aiynda, al meditsinalyq uiymdarǵa jetkizilýi 2026 jyldyń qańtarynan bastalatyn bolady.
