Ábdibaqyt Maqulbaev: "Kentaýda kommýnaldyq qyzmettiń quny arzandady"
Buǵan mysal kúni keshe Túrkistan oblysynyń Kentaý qalasynda kommýnaldyq qyzmettiń quny baqandai 24 paiyzǵa arzandady. Iaǵni turǵyndar buǵan deiin jylý maýsymynda baspananyń ár sharshy metri úshin 136 teńgeden tólep kelse, endi 103 teńgeden ainalady degen sóz. Óz kezeginde zańdy tulǵalar men kommertsiialyq nysandar úshin de jylý baǵasy 17 paiyzǵa tómendedi.
Sondai-aq 1 qańtardan bastap, aýyz sýdyń quny da 10-11 paiyzǵa arzandaityn bolady. Jalpy alǵanda Kentaý qalasy jylý memlekettik kommýnaldyq kásiporny 334 kópqabatty turǵyn úi men 2121 jeke úige jáne 374 kommertsiialyq nysan men 102 biýdjettik mekemeni jylýmen qamtamasyz etedi eken.
Al Kentaý qalasynyń ákimi Ábdibaqyt Maqulbaevtyń atap ótkenindei Elbasy Joldaýy jariialanǵaly bergi ýaqytta eń tómengi jalaqyny 28 myń teńgeden 42 myń 500 teńgege deiin kóterý máselesi birinshi kezekte qaralǵan.
"Bizde osy mekemeler boiynsha tiisti jumystar jasaldy. Jylý energoortalyǵyndaǵy 61 adam 42 myńnan tómen alady, barlyǵynyń ailyǵy kóterildi. Budan ózge mekemelerde eńbek etetin azamattardyń ailyǵy ósetin bolady", – dedi qala ákimi óz sózinde.
