Abai oblysynyń ákimi Berik Ýáli Mańǵystaý oblysynan arnaiy kelgen delegatsiia múshelerimen kezdesti. Kezdesýge Mańǵystaý oblysy ákiminiń birinshi orynbasary Erbol Izbergenov, oblys ákiminiń orynbasary Tilegen Ábishev, qoǵamdyq keńes tóraǵasy Bekmurat Júsipov jáne memlekettik qyzmet ardageri Darjok Seibaǵytov qatysty,- dep habarlaidy Dalanews.kz
Abai oblysynda Abaidyń 180 jyldyǵyna orai Memleket basshysy Qasym-Jomart Kemeluly Toqaevtyń qoldaýymen «Abaiǵa qurmet» aktsiiasy bastalǵan bolatyn. Aktsiia aiasynda elimizdiń ár óńiri Abai oblysyna bir nysannan tartý etedi. Kezdesýde oblys ákimi Mańǵystaý oblysynyń igi bastamaǵa alǵash bolyp qoldaý tanytqany úshin alǵysyn jetkizdi.
«Mańǵystaý oblysy ákimdigi aktsiiaǵa qoldaý bildirip, oblys ortalyǵy Semei qalasyna Dostyq úiin salyp berý úshin arnaiy delegatsiia jiberip otyr. Ózderińizben júzdesip otyrǵanyma qýanyshtymyn. Búgingi kezdesý elimizdiń qos qiyrynyń birligi men ulttyq biregeiliginiń jarqyn kórinisi dep bilemin. Mańǵystaý men Abai oblysy batys pen shyǵys shekarada jatqan shalǵai aimaq bolsa da, nieti ortaq, tileýi bir ekenin kórsetti. Mańǵystaý halqyna, Memleket basshysynyń bastamasyn alǵashqy bolyp qoldaǵan Mańǵystaý oblysynyń ákimi Nurdáýlet Igilikulyna airyqsha alǵys aitamyz», - dedi aimaq basshysy.
Oblys ákimi «Abaiǵa qurmet» aktsiiasyn elimizdiń barlyq óńirleri qyzý qoldap jatqanyn, Túrkistan, Aqtóbe, Qyzylorda, Pavlodar, Jetisý, Almaty, Soltústik Qazaqstan, Shyǵys Qazaqstan, Batys Qazaqstan, Atyraý, Jambyl, Aqmola oblystary men Shymkent, Almaty, Astana qalalary tiisti jumystardy bastap ketkenin aitty. Mańǵystaý oblysy ákiminiń birinshi orynbasary Erbol Izbergenov munaily ólke jurtynyń sálemin jetkizdi.
«Kórshisi sharýa bastap jatsa, qasynan qur ótip ketpeitin qazaqpyz ǵoi. Ár oblystyń tartý jasaýy óte durys qabyldanǵan sheshim dep esepteimiz. Óitkeni bul nysandar halyqtyń igiligine jumys isteitin bolady. Igi bastamalaryńyzǵa sáttilik tileimiz» dedi ol.
Kezdesýden keiin mańǵystaýlyq delegatsiia 75 myń turǵynǵa arnalǵan «Semey Smart City» shaǵyn aýdany salynatyn qurylys alańyna bardy. Oblys ákimi qonaqtarǵa jańa yqsham aýdannyń jobasyn tanystyrdy.
«Bul jańa yqsham aýdandy 17 mamyrda oblystyń aldaǵy damý josparyn jariialaǵanda tanystyrǵanbyz. Mańaiy qaraǵaily orman, taza aýa, Ertis ózeninen 44 metr biiktikte ornalasqan. Jańa yqsham aýdan Semei qalasynyń jańa kelbeti bolatyny anyq. «Abaiǵa qurmet» aktsiiasy aiasyndaǵy ǵimarattar negizinen osy aýdanda salynady. Qazirgi tańda daiyndyq jumystaryn júrgizip jatyrmyz. Kieli Mańǵystaý jerinen, Beket ata elinen kelgen azamattardyń birinshi bolyp kelip, qurylys alańyn kórip jatqanyn jaqsylyqqa joryp turmyz», - dedi aimaq basshysy.
Myń gektardan astam aýmaqty qamtityn yqsham aýdanda turǵyn úi keshenderi, 40-tan astam ákimshilik, kommertsiialyq jáne áleýmettik nysandar, saiabaqtar boi kóteredi. Joba aiasynda bolashaqta jastar saraiy, Jekpe jek saraiy, ǵalymdar úii, media ortalyq, kórme ortalyǵy, Dostyq úii, Investorlar ortalyǵy, mýzykalyq mektep, filarmoniia, etnosaiabaq, stadion, kolledj, mýzei, balabaqshalar, qonaqúiler men saýda keshenderin salý josparlanyp otyr.
