Abai atyndaǵy QazUPÝ oqytýshylary «Bolashaq» baǵdarlamasynyń «500 ǵalym» jobasy aiasynda Ýrbana-Shampein qalasyndaǵy Illinois ýniversitetinde (AQSh) ǵylymi taǵylymdamadan ótýde.
Memleket basshysy óz sózinde pedagogikalyq bilim berýde túbegeili jańa kózqaras qajet ekenin atap ótken bolatyn. «Búginde pedagogika salasy ǵylymnyń eń mańyzdy tarmaǵynyń birine ainaldy.
Sondyqtan bul salaǵa túbegeili jańa kózqaras qajet. Zamanaýi tehnologiianyń kómegimen bilim berý júiesin jedel ári tiimdi jańǵyrtýǵa bolady. Biz bilim salasyn eń úzdik halyqaralyq standarttarǵa sai damytýymyz kerek», - dedi Qasym-Jomart Toqaev.
Taǵylymdama barysynda filologiia fakýlteti, orys tili men ádebieti kafedrasynyń oqytýshylary: PhD, aǵa oqytýshy F.Erjanova, PhD, qaýymdastyrylǵan professor S.Serikova, PhD, aǵa oqytýshy G.Jandykeeva jáne magistr, oqytýshy A.Ýmarova — biliktiligin arttyryp, kásibi daǵdylaryn jetildirýde. Oqytýshylar akademiialyq jazý, joǵary bilim berý transformatsiiasy jáne pedagogikalyq innovatsiialar boiynsha kýrstardan ótýde.
Tórt ai boiy olar qarqyndy akademiialyq aǵylshyn tili kýrstarynan ótip, English Speaking Club-qa qatysyp, AQSh mádenieti men tarihymen tanysty.
Sonymen qatar Illinois shtatyndaǵy mańyzdy tarihi oryndardy, sonyń ishinde AQSh-tyń 16-shy prezidenti Avraam Linkolnnyń týǵan qalasy Springfildti aralady. Tamyz aiynda stipendiattar Qazaqstannyń AQSh-taǵy elshisi Erjan Ashyqbaevpen jáne «Bolashaq» baǵdarlamasynyń ókili Rýslan Sakeevpen kezdesip, yntymaqtastyq pen tájiribe almasý múmkindikterin talqylady.
Kýrstarda alǵan bilim oqytýshylardyń biliktiligin arttyryp qana qoimai, kafedraǵa jańa ideialar ákelýge yqpal etedi, bul óz kezeginde bilim berý sapasyn jaqsartady. Halyqaralyq taǵylymdama kásibi quzyrettilikti nyǵaitýǵa jáne ǵylymi bailanystardy damytýǵa zor múmkindik beredi.
Sheteldik ýniversitetter men ǵylymi ortalyqtarmen yntymaqtastyq ornatý Qazaqstandaǵy joǵary oqý oryndarynyń ǵylymi áleýetin arttyryp, bilim berý júiesiniń damýyna septigin tigizedi.
