Abai ýniversiteti Ulystyń uly kúni – Naýryz merekesin ulttyq rýhty jańǵyrtqan, mazmuny bai ári taǵylymy tereń daiyndyqpen, óte joǵary deńgeide atap ótti.Muhtar Áýezov atyndaǵy ýniversitet stadionynda kiiz úiler tigilip, án-kúi men jyrǵa kómkerilip, túrli ulttyq sport saiystary, defile men jármeńke, kórme men oiyndar bolyp, ulyq meiramǵa myńdaǵan adam qatysty, dep habarlaidy Dalanews.kz
Jańarý men jasampazdyq, meiirim men yntymaq simvoly sanalatyn bul mereke – kún men tún teńelip, tabiǵat pen tirshiliktiń qaita túleitin airyqsha mereili shaǵy. Qazaqtyń tuńǵysh ýniversiteti biyl Ulystyń uly kúnin erekshe atap ótkenin aita ketýmiz kerek.
– Ǵasyrǵa jýyq tarihy bar, qazaq biliminiń qarashańyraǵy – Abai ýniversiteti úshin Naýryz meiramy airyqsha mánge ie. Bul – tek tabiǵattyń jańarýy emes, rýhtyń jańǵyrýy, adam boiyndaǵy izgi qasietterdiń qaita túleýi. Biz bul merekeni ulttyń birligi men tatýlyǵyn aishyqtaityn, bolashaqqa degen senimdi nyǵaitatyn erekshe kezeń retinde baǵalaimyz. Sondyqtan da bizdiń ujym jyl saiyn Naýryzdy ulttyq dástúrmen sabaqtastyra otyryp, keń kólemde atap ótýdi igi dástúrge ainaldyrdy, – dedi Bolat Anapiiauly.
Merekeniń taǵy bir ereksheligi – ulttyq sport oiyndarynan «Altyn saqa» aptalyǵynyńbastalýy boldy. Qazaq kúresi, arqan tartys, qoshqar kóterý, qol kúres jáne asyq atý syndy t.b. ulttyq oiyndarǵa qatysýshylar kúsh-jigeri men eptiligin, tózimdiligi men dáldigin synǵa saldy.
Alańda qyran búrkitter men júirik tazylardyń kórsetilimi uiymdastyrylyp, qazaq halqynyń saiatshylyq óneri keńinen nasihattaldy. Sáigúlik jylqylardyń ákelinýi de merekeniń kórkin odanári arttyryp, kóshpeli mádeniettiń airyqsha belgisin aishyqtai tústi. Shara barysynda alyp batyrlar obrazyndaǵy ónerpazdardyń qatysýy da erekshe áser qaldyrdy. Ulttyq kiimdegi batyrlardyń kórinisi arqyly el qorǵaǵan erlerdiń rýhy dáriptelip, kórermenge tarihi sabaqtastyq pen otansúigishtik qundylyqtar tereńinen jetkizildi.
Qoryta kelgende, bul kún – Abai ýniversitetiniń birligin bekemdep, qazaqy salt-dástúrdi jańa qyrynan jańǵyrtqan, keń alańda erkin tynystaǵan ulttyq rýhtyń merekesi retinde este qaldy.
