Abai oblysy boiynsha bilim salasynyń máselelerin sheshý maqsatynda «Abai oblysynyń bilim berý júiesin damytýdyń 2023-2029 jyldarǵa arnalǵan jol kartasy» ázirlengenin búgin Bilim basqarmasynyń basshysy Nurjan Ahmetqaliev Abai oblysynyń óńirlik kommýnikatsiialar qyzmeti alańynda baiandady, – dep habarlaidy Dalanews.kz.
– Semei qalasynda oblystyq psihologiialyq-meditsinalyq-pedagogikalyq konsýltatsiia, «Asyl Miras» aýtistik spektrdiń buzylýy bar balalardy qoldaý ortalyǵy jáne Abai aýdanynda psihologiialyq-pedagogikalyq túzetý kabineti, Semei qalasynyń 2 mektebinde erekshe bilim berý qajettilikteri bar balalarǵa arnalǵan inkliýziiany qoldaý kabinetteri ashyldy. Sonymen qatar osy jyly Kýrchatov qalasynda psihologiialyq-pedagogikalyq túzetý kabinetin ashý josparlanýda, – dep atap ótti basqarma basshysy.
Mektepke deiingi bilim berý baǵdarlamasy boiynsha tárbie jáne oqytýmen qamtýdy uiymdastyrý 2023 jyldan bastap 2619 orynǵa memlekettik tapsyrys ornalastyrylǵan.
– Qala mektepterindegi oqýshy oryndarynyń tapshylyǵyn qysqartý úshin 2025 jylǵa deiin «Jaily mektep» jobasy aiasynda 5700 oryndyq 11 jańa mektep salynady.
2023 jyly Semei qalasynda 2 mektep, Aiagóz, Aqsýat, Besqaraǵai aýdandarynda 1 mektepten, barlyǵy 5 mekteptiń qurylysy bastaldy. Sondai-aq, oblys ákimdigi men «KAZ-Minerals» JShS arasynda jasalǵan memorandým aiasynda 1200 oryndyq mektep qurylysy júrgizilýde. Atalǵan mektepter osy jyly paidalanýǵa beriletindigin, – dedi Nurjan Ahmetqaliev.
Jastardyń bilim sapasyn arttyrýǵa baǵyttalǵan 63 945 oqýshyny qamtityn oblystyq «Mereili ustaz» jobasy, jalpyadamzattyq jáne ulttyq qundylyqtardy boiyna sińirgen urpaq tárbieleý maqsatynda «Birtutas tárbie baǵdarlamasy» júzege asyrylýda.
Baǵdarlama aiasynda «Eńbegi adal jas óren», «Jetkinshektiń jeti jarǵysy», «Balalar kitaphanasy», «Ulttyq mektep ligasy», «Kúndelikti paidaly taǵam», «Ziiandy ádetter aýlaq bol» jobalary da bar.
