Ákimdik kúshimen birneshe aýdandarda dalalyq as úıler uıymdastyryldy. Dalalyq asúıler toqtaýsyz jumys istep, órt sóndirýshilerdi ýaqytynda ystyq tamaqpen qamtamasyz etýde.
Sonymen qatar, Semeı jáne Borodýlıha aýdandarynda uıymdastyrylǵan evakopýnktterge Borodýlıha aýdanynyń Ýspenka, Prınebesnoe, Baryshevka kentteriniń, sondaı-aq Kashtak, Talısa, Tepkashı, Polovınkı aýyldarynyń turǵyndary kelip qonystandy.
Onda evakýasıalanǵandardyń barlyǵyna ystyq shaı berilip, tamaqtandyrylyp, barlyq qajetti zattarmen qamtamasyz etildi. Evakýasıalanǵan azamattardyń jalpy sany - 70-ten asady.
Eń kishkentaı evakýasıalanǵan balalar úshin oblystyń bilim basqarmasynyń kúshimen qala boıynsha ekskýrsıa jasalyp, demalys uıymdastyryldy.
Jalpy Semeıdegi evakopýnktter 800-den astam adamdy qabyldaı alady. Turǵyndar tastap ketken úılerdiń janynda polısıa qyzmetkerleri tonaý faktilerin boldyrmaý úshin kezekshilik etýde. 43 tártip saqshylary kúndiz-túni qaraýsyz qalǵan kentterde qaýipsizdikti qamtamasyz etedi.
JAO jáne eriktilerdiń kúshterimen órttiń aldyńǵy shetine 1 tonnadan astam aýyz sý, 250 kg qoı eti, qus eti, nan, nan-toqash ónimderi, túrli kókónister jetkizildi. Sondaı-aq, 10 tonna túrli ónim jetkizildi, onyń ishinde 3,5 tonna un, 500 kg qant, kúnbaǵys maıy, konserviler bar.
Órtten keltirilgen zalal komısıalyq tekserý nátıjeleri boıynsha óteletin bolady.
