Ákimdik kúshimen birneshe aýdandarda dalalyq as úiler uiymdastyryldy. Dalalyq asúiler toqtaýsyz jumys istep, órt sóndirýshilerdi ýaqytynda ystyq tamaqpen qamtamasyz etýde.
Sonymen qatar, Semei jáne Borodýliha aýdandarynda uiymdastyrylǵan evakopýnktterge Borodýliha aýdanynyń Ýspenka, Prinebesnoe, Baryshevka kentteriniń, sondai-aq Kashtak, Talitsa, Tepkashi, Polovinki aýyldarynyń turǵyndary kelip qonystandy.
Eń kishkentai evakýatsiialanǵan balalar úshin oblystyń bilim basqarmasynyń kúshimen qala boiynsha ekskýrsiia jasalyp, demalys uiymdastyryldy.
Jalpy Semeidegi evakopýnktter 800-den astam adamdy qabyldai alady. Turǵyndar tastap ketken úilerdiń janynda politsiia qyzmetkerleri tonaý faktilerin boldyrmaý úshin kezekshilik etýde. 43 tártip saqshylary kúndiz-túni qaraýsyz qalǵan kentterde qaýipsizdikti qamtamasyz etedi.
Órtten keltirilgen zalal komissiialyq tekserý nátijeleri boiynsha óteletin bolady.
