Abai oblysynyń Aiagóz aýdany qaqaǵan qysta jaryqsyz qaldy. Oblys ákimdigi bul jaitqa qatysty málimdeme jasady, - dep habarlaidy Dalanews.kz.
18 jeltoqsanda saǵat 23.30-da transformator órtenip, saldarynan jaryq óshirilgen.
"Aiagóz aýdanynyń 101 tótenshe jaǵdai arnasyna "Birikken energoservistik kompaniiasy" AQ-na qarasty elektr jabdyqtaý stantsiiasynyń (podstantsiia) janyp jatqany týraly habarlama kelip túsken. Órt sóndirý jumystaryna 4 ATs órt sóndirý kóligi, 15 qyzmetkeri jumyldyrylǵan.
Júrgizilip jatqan jumystyń nátijeleri boiynsha saǵat 23:59-da órt oqshaýlandy, zardap shekkender joq. Qazirgi ýaqytta órttiń sebebin anyqtaý boiynsha jumystar júrgizilip jatyr. Qalpyna keltirý jumystary nátijesinde Mamyrsý aýyldyq okrýgi jáne Aiagóz qalasynan basqa barlyq aýyldyq okrýgter elektr energiiamen tolyǵymen qamtamasyz etildi", - delingen habarlamada.
Qala boiynsha birinshi kezekte ortalyqtandyrylǵan 6 jylý qazandyǵyn iske qosý jumystary qolǵa alynyp, qazirgi tańda beseýi iske qosyldy. Bireýin qosý iske asyrylyp jatyr.
"Turǵyndarǵa elektr qýatyn berý jumystaryn "Birikken energoservistik kompaniiasy" AQ qyzmetkerleri aqaýlyqty joiý barysynda atqaryp jatyr. "BESK" AQ Úrjar, Jarma aýdandary men Óskemen jáne Semei qalalarynan kelgen 7, sondai-aq Aiagózden 3 brigada jóndeý jumystaryn júrgizip jatyr. Qalpyna keltirý jumystaryna barlyǵy 30-ǵa jýyq maman jumyldyryldy", - delingen oblys ákimdiginiń habarlamasynda.
