Abai oblysynyń respýblikalyq mańyzy bar avtomobil joldarynyń jalpy uzyndyǵy 2 176 shaqyrymdy quraidy. Onyń ishinde 1 592 shaqyrym jol «QazAvtoJol» UK» AQ Abai oblystyq filialynyń qaraýynda. Bul týraly Óńirlik kommýnikatsiialar qyzmetinde ótken baspasóz máslihatynda atalǵan filial direktory Aibek Anýarbekov baiandady,- dep habarlaidy Dalanews.kz
— Qazirgi tańda óńirde 250 shaqyrym jolda ortasha jóndeý júrip jatyr. Bul ýchaskelerge «Semei – Qainar», «Semei – Barnaýl», «Qaraǵandy – Aiagóz – Tarbaǵatai – Buǵaz» jáne taǵy da basqa baǵyttar kiredi, — dedi filial basshysy.
Sonymen qatar, 584 shaqyrym jolda qaita jańartý jumystary qolǵa alynǵan. Atap aitqanda, bul — «Qalbataý – Maiqapshaǵai» jáne «Taldyqorǵan – Qalbataý – Óskemen» baǵyttary.
Spikerdiń aitýynsha, aldaǵy jyldary Qazaqstan Damý Banki qarjysymen uzyndyǵy 522 shaqyrym bolatyn qosymsha joldar jańǵyrtylady.
Aibek Anýarbekov jol qozǵalysy qaýipsizdigin arttyrýǵa baǵyttalǵan jumystar týraly da atap ótti.
— Jol boiyna 14 mamandandyrylǵan avtomattandyrylǵan ólsheý quraly (MAÓQ) ornatylady. Sondai-aq, Qalbataý, Arshaly, Úrjar aýyldary men Semei qalasynda 4 shatyr, Qyzyl-Kesik aýylynda 1 angar salynýda. Aýyspaly aqparattyq tablolar da ornatylyp jatyr, — dedi ol.
Qolǵa alynǵan sharalar jol sapasyn jaqsartyp, kólik qozǵalysynyń qaýipsizdigi men jailylyǵyn qamtamasyz etýge baǵyttalǵan.
