Abaı oblysynda prokýratýra eńbek quqyqtaryn qorǵaý baǵytyndaǵy jumysty kúsheıtip jatyr, dep habarlaıdy DalaNews.
«Zań jáne tártip» qaǵıdatyn iske asyrý aıasynda oblys prokýratýrasy memlekettik eńbek ınspeksıasy, áleýmettik qorǵaý departamenti jáne kásipodaqtar birlestigimen birlesip, «Qazaq Astyq Group» JSHS men «Semeı sement zaýyty» JSHS ujymdarymen kezdesýler ótkizdi.
Sharalardyń negizgi maqsaty – qyzmetkerlerdiń quqyqtyq saýattylyǵyn arttyrý jáne olardyń eńbek quqyqtary men zańdy múddelerin qorǵaýdy kúsheıtý.
Kezdesýler ashyq dıalog formatynda ótti. Qatysýshylar suraqtaryn qoıyp, eńbek qatynastaryna qatysty ózekti máseleler boıynsha naqty túsindirýler aldy.
Prokýratýranyń málimetinshe, mundaı kezdesýler azamattardyń memlekettik organdarǵa degen senimin arttyryp, jumys berýshiler men qyzmetkerler arasyndaǵy ózara túsinistikti nyǵaıtýǵa yqpal etedi.
