Forýmnyń maqsaty – eń ózekti taqyryptardy talqylaıtyn, tájirıbe almasyp jáne eldiń damýyna oń áser etetin bilim men bıznestiń baǵyttaryn anyqtaıtyn orta qalyptastyrý.
Forýmda Abaı oblysynyń ákimi Nurlan Uranhaev «Erkin bilim berý aımaǵyn» qurý qajettigin atap ótti.
– Abaı oblysynda «Erkin bilim berý aımaǵyn» qurý oıymyzda bar. «Parasat» forýmy – bul jańa múmkindikter alańy. Osy alańda zamanaýı taqyryptar talqylanady. Aqyl-parasatyn arttyrǵan kásibı mamandarymyz oblysymyzdyń damýyna úles qosatyna senimdimin. Biz óńirimizde ǵylym-bilim jáne bıznestiń damýyna qoldaý kórsetýge daıynbyz, – dedi aımaq basshysy.
Forým barysynda belgili kásipkerler, iri kompanıa basshylary, jýrnalıser ózderiniń tájirıbesi týraly baıandap, Abaı óńirin damytýǵa baǵyttalǵan jańa jobalardy usynbaq.
Olardyń qatarynda bıznesmen, «Forbes Kazakhstan» jýrnalynyń shyǵarýshysy Armanjan Baıtasov, «HR CAPITAL» negizin qalaýshy Rıfat Abdýramanov, kásipker, «TASGROUP» kompanıalar tobynyń jetekshisi Dýlat Tastekeev, bıznes-trener, «ADAMANT» resýrstyq ortalyǵynyń negizin qalaýshy Sholpan Túsipbekova, «FitnessBlitz» fıtnes klýby jelisiniń negizin qalaýshy Danıar Moldahmet, belgili jýrnalıs, rejıser Maııa Bekbaeva bar.
