Semei qalalyq soty Abai oblysynyń 31 jastaǵy turǵynyna qatysty qylmystyq isti qarady. Is materialdaryna sáikes, er adam tórt ai boiy áieldi júieli túrde ańdyp, mazasyn alǵan, dep habarlaidy Dalanews.kz.
Jábirlenýshi onymen aralasqysy kelmeitinin birneshe márte ashyq aitqanyna qaramastan, aiyptalýshy onyń úiine jáne jumys ornyna qaita-qaita baryp júrgen. Sondai-aq habarlamalar jazyp, qońyraý shalyp, tipti týystary arqyly da yqpal etýge tyrysqan.
Messendjerlerde buǵattaý jáne telefon nómirin aýystyrý da nátije bermegen er adam tanysyna psihologiialyq qysym kórsetýdiń túrli jolyn tapqan.
Abai oblystyq sotynyń baspasóz qyzmeti habarlaǵandai, ańdý derekteri tirkelgennen keiin qylmystyq is bir táýlik ishinde sotqa joldanǵan. Sot talqylaýy barysynda aiyptalýshynyń kinási tolyq dáleldendi.
Sot ony QR Qylmystyq kodeksiniń 115-baby 1-bóligi boiynsha kináli dep tanyp, 100 saǵat qoǵamdyq jumysqa tartý jazasyn taǵaiyndady. Sonymen qatar onyń minez-qulqyna 10 ai merzimge erekshe talaptar belgilendi.
