Abaı oblysynyń bes aýylynda jergilikti malshylardy aıýlar ábigerge salyp otyr. Aýyl turǵyndarynyń aıtýynsha, ash aıýlar jaıylymdaǵy sıyrlarǵa shabýyl jasap, tipti qoralardy da buzyp kirip jatyr, dep habarlaıdy Dalanews.kz "KTK" telearnasyna siltep.
Eń kóp zardap shekken – Jarma aýdanynyń turǵyndary. Olardyń sózinshe, aıýlar eki jyldan beri malshylarǵa maza bermeı keledi. Olar daladan maldyń súıekteri men qaldyqtaryn jıi tabady. Bıyldyń ózinde keıbir qojalyqtar birden birneshe bas malynan aıyrylǵan.
Aýyl halqy jaǵdaı ýshyǵyp ketpeı turǵanda máseleni tez arada sheshýdi suraıdy. Jergilikti bılik arnaıy komısıa qurylǵanyn jáne ańshylardan kómek suralǵanyn habarlady.
"Qońyr aıýlardyń shabýylyna qarsy arnaıy komısıa quryldy. Onyń quramyna jergilikti atqarýshy jáne quqyq qorǵaý organdarynyń ókilderi, salalyq uıym basshylary kirdi. Barlyǵy – 28 adam. Olardyń ishinde ańshylyq bıleti bar jáne qarý saqtaýǵa ári alyp júrýge ruqsaty bar azamattar da bar", - dedi Jarma aýdany ákiminiń orynbasary Berik Sámejanov.
