Abai oblysynda prokýrorlar 160 mln teńge kóleminde biýdjettiń negizsiz jumsalýynyń aldyn aldy, dep habarlaidy Dalanews.kz.
Jylýmen jabdyqtaý salasyndaǵy tabiǵi monopoliia sýbektileri zań talaptaryn buza otyryp, memlekettik satyp alý arqyly 3,5 mlrd teńgeden astam somaǵa joǵary baǵamen kómir satyp almaqshy bolǵan.
Prokýratýramen qabyldanǵan sharalar boiynsha satyp alý toqtatylyp, jylýmen jabdyqtaýshy kásiporyndar kómir óndirýshisimen tikelei shart jasasty. Osylaisha 160 mln teńgeden astam qarjy únemdeldi. Bul qarajat kásiporyndardyń qyzmetkerleriniń áleýmettik tólemderine jumsalady.
Negizsiz biýdjet shyǵyndaryn qysqartý máselesi oblys prokýratýrasynyń turaqty baqylaýynda.
