2024 jyldyń 30 tamyz kúni Abai oblysynda 5-shi Dúniejúzilik kóshpendiler oiyndaryna arnalǵan mańyzdy is-sharalardyń biri – «Birlik kerýenin» Astana qalasyna shyǵaryp salý rásimi ótti.
Bul kerýenniń sapary, Kóshpendiler oiyndarynyń basty nyshany jáne negizgi elementi – Sý simvolymen tyǵyz bailanysty.
Osy rásim Uly Abaidyń týǵan jeri Syrt Qasqabulaqta bastaý aldy. Bul jerden «Birlik kerýenin» bastap, qazaq kúresinen álem chempiony, «Qazaqstan barysy» ataǵyn ielengen Aibek Nuǵymarov qasietti sýdy alyp shyqty. Sý 5-shi Dúniejúzilik kóshpendiler oiyndarynyń ashylý saltanatynda mańyzdy oryn almaq.
«Birlik kerýeni» Semei qalasyna kelgende, olardy qarsy alý maqsatynda Ámire Qashaýbaev atyndaǵy memlekettik filarmoniiasynyń «Bibigúl» qazaq halyq aspaptar orkestri, «Dala úni» a kapella toby, «Dala sazy» etno-folklorlyq ansambli jáne «Tumar» bi ansambli ónerlerin kórsetti.
Qurmetke ie bolǵan kerýen Astanaǵa qarai jolǵa shyqty. 5-shi Dúniejúzilik kóshpendiler oiyndarynyń ashylý saltanatynda ár óńirdiń batyrlary ózderi alyp kelgen qasietti sýdy bir qazanǵa quiyp, bul eldiń birligin, tutastyǵyn jáne ózara yntymaqtastyǵyn kórsetetin bolady.
Sonymen qatar, dál osy kúni 5-shi Dúniejúzilik kóshpendiler oiyndaryna Abai oblysynyń atynan qatysatyn qolónershilerdiń kórmesi ótti. Kórmede óńirdiń sheberleri ózderiniń eń úzdik týyndylaryn usyndy.
Aita keterlik jait, 5-shi Dúniejúzilik kóshpendiler oiyndary aiasynda úzdik qolóner sheberleriniń ónimderi kórmege qoiylyp, aqyndar aitysy, salt-dástúrdi nasihattaityn qoiylymdar uiymdastyrylady. Abai oblysynan osy halyqaralyq deńgeidegi sharaǵa 6 sport túrinen 12 qatysýshy men 100-den asa mádeniet men óner salasynyń maitalmandary atsalysady.
