- Ótken jyldan bastap Memleket basshysy Qasym-Jomart Toqaevtyń usynysy boiynsha biz Respýblika kúnin elimizdiń tarihy men bolashaǵyn beineleitin ulttyq mereke retinde atap ótýdi bastadyq. Ol elimizdiń basty merekeleriniń birine ainaldy, - dedi Qoǵamdyq damý basqarmasynyń basshysy Aidar Sadyrbaev.
Oblysta 500-den astam merekelik is-shara ótkizý josparlanýda. Aidar Sadyrbaevtyń aitýynsha, is-sharalardyń barlyq spektri óńir turǵyndarynyń bereke-birligi men qoǵamdyq kelisimdi nyǵaitýǵa yqpal etýge baǵyttalǵan.
- Merekelik baǵdarlama aiasynda Abai oblysy turǵyndaryn 500-den astam qyzyqty is-shara kútip tur, - dep atap ótti Qoǵamdyq damý basqarmasynyń basshysy.
Mereke kúnderi oblysta saltanatty jiyndar, kontsertter, mádeni-sporttyq jáne buqaralyq is-sharalar josparlanǵan. Ortalyq alańdarda, saiabaqtar men skverlerde jappai halyqtyq merekeler, jármeńkeler men kórmeler uiymdastyrylady.
- Biz sondai-aq jańa turǵyn úiler men páterlerdiń kiltterin tabystaý rásimin, sondai-aq Aiagóz qalasynda kópten kútken «Altyn saqa» balabaqshasynyń ashylýy bolady. Sonymen qatar, bul kúni semeilikterge jańa qoǵamdyq keńistik usynylady, - dep qorytyndylady Aidar Sadyrbaev.
24 qazanda kúni Abai teatrynda Ámire Qashaýbaev atyndaǵy Memlekettik filarmoniianyń, «Tumar» bi ansambliniń, estradalyq-simfoniialyq orkestrdiń jáne basqa da ujymdardyń qatysýymen merekelik kontsert jáne saltanatty jinalys ótedi.
Abai oblysynyń mádeniet, tilderdi damytý jáne arhiv isi basqarma basshysynyń mindetin atqarýshy Ernar Beksultanov óńirdegi birqatar josparlanǵan mádeni is-sharalardy atap ótti.
- Respýblika kúnine orai 60-qa jýyq taqyryptyq kórmeler, ádebi keshter, óńirlik murajailardaǵy Ashyq esik kúnderi, sondai-aq oblys boiynsha klýbtar men mádeniet úilerinde merekelik kontsertter josparlanǵan, - dedi Ernar Beksultanov.
