Budan bólek Semeıdegi aqyn atyndaǵy teatr ǵımaraty da 198,8 mln. teńgege ǵylymı-restavrasıalaýdan ótedi, dep habarlaıdy Dalanews.kz Altaı jańalyqtaryna silteme jasap.
Bul jóninde kezekten tys shaqyrylǵan oblystyq máslıhattyń otyz altynshy sesıasynda belgili boldy.
2020-2022 jyldarǵa arnalǵan búdjet týraly oblystyq máslıhattyń sheshimine engizilgen ózgeristerdi baıandaǵan ekonomıka jáne búdjettik josparlaý basqarmasy basshysynyń mindetin atqarýshy Dınara Jumanova baıandady.
"Abaı aýdanynyń Qasqabulaq aýyldyq okrýginiń aýmaǵynda ornalasqan Aqshoqyda jatqan Qunanbaı Óskenbaıulyna arnalǵan murajaı qurylysy da bastalady. Buǵan qazynadan 276,7 mln. teńge baǵyttalyp otyr", - dedi ol.
