Ýnıversıtettiń qalyptasýyna ult zıalylary – Ahmet Baıtursynuly, Temirbek Júrgenov, Halel Dosmuhamedov, Sáken Seıfýllın jáne basqa da kóptegen kórnekti qaıratkerler zor úles qosty. 95 jyldyq tarıhynda bilim men ǵylymnyń qara shańyraǵy búgingi kúnge deıin óz altyn uıasynan otandyq pedagogıkanyń damýyna tyń serpin berip, 200 myńǵa jýyq pedagogtar men 4 myńnan asa ǵylymı kadrlardy qanattandyrdy.
Búginde ýnıversıtet álemniń 25 memleketiniń 138 joǵary oqý oryndarymen áriptestik baılanysta jumys isteıdi. Álemdik arenada Abaı ýnıversıteti QS World University Rankings, The Times Higher Education World University Rankings jáne THE Impact Rankings sıaqty bedeldi reıtıńterine qatysyp, álemdegi úzdik ýnıversıtetter qatarynda jyl saıyn óz pozısıasyn kóterip keledi. QS World University Rankings álemdik reıtıńinde 2023 jyldyń qorytyndysy boıynsha 681-690 oryndy ıelenip, álemdegi úzdik 700 ýnıversıtter qataryna endi. Ortalyq Azıa aımaǵynda 147 orynmen TOP-200 úzdik ýnıversıtetter qatarynda. Turaqty damý maqsattaryn basshylyqqa alǵan THE Impact Rankings reıtıńinde ýnıversıtetimiz 601-800 pozısıadan kórinip, Qazaqstandyq ýnıversıtetterdiń arasynda kósh bastap tur.
2023 jylǵy 2 qarashada Abaı atyndaǵy Qazaq ulttyq pedagogıkalyq ýnıversıtetiniń 95 jyldyǵyna arnalǵan gala-konsert ótedi.
Saltanatty is-sharaǵa Qazaqstan Respýblıkasy Úkimetiniń Ǵylym jáne joǵary bilim mınıstrliginiń, Oqý-aǵartý mınıstrliginiń, Mádenıet jáne aqparat mınıstrliginiń, Ulttyq ǵylym akademıasynyń, Ulttyq qaýipsizdik komıtetiniń, Almaty qalasynyń prokýratýrasy men Polısıa departamentiniń ókilderi, dıplomatıalyq ókilderdiń, elimizdiń jetekshi joǵary oqý oryndarynyń basshylary, ýnıversıtettiń túlekteri, otandyq jáne sheteldik seriktes kompanıalardan qonaqtar, belgili otandyq jáne sheteldik ǵalymdar men sarapshylar, jalpy bilim berý uıymdarynyń dırektorlary men oqytýshylary qatysady.
Merekelik saltanatty is-sharada ýnıversıtettiń tarıhy men búgingi tynys-tirshiligi týraly derekti fılm kórsetiledi. Keshte Ǵ.Músirepov atyndaǵy teatrdyń óner maıtalmandary, ýnıversıtettiń tanymal túlekteri jáne ustazdarynyń, daryndy jastardyń qatysýymen merekelik konserttik baǵdarlama usynylady.
Osyǵan baılanysty ýnıversıtettiń 95 jyldyǵyna arnalǵan mereıtoı barysy týraly buqarany aqparattandyrý úshin túsirilim tobyn jiberýińizdi suraımyz.
Saltanatty jıynnyń ótetin ýaqyty: 2 qarasha 2023 jyl, saǵat 17.00-de.
Ótetin orny: Almaty qalasy, Abaı atyndaǵy Qazaq ulttyq akademıalyq opera jáne balet teatry.
