Premer-ministrdiń tapsyrmasy boiynsha "Semei ormany" aýmaǵyndaǵy jumystardy úilestirý úshin tótenshe jaǵdailar jáne ekologiia ministrleri óńirge jiberildi, dep habarlaidy dalanews.kz.
Premer-ministr Oljas Bektenov tótenshe jaǵdailar ministri Shyńǵys Árinov pen ekologiia jáne tabiǵi resýrstar ministri Erlan Nysanbaevqa "Semei ormany" aýmaǵynda orman órtin sóndirý jumystaryn úilestirý maqsatynda Abai oblysyna shuǵyl barýdy tapsyrdy.
Jaqyn mańdaǵy eldi mekenderdi qorǵaý jáne órttiń odan ári taralýynyń aldyn alý sharalaryn kúsheitý tapsyryldy.
16 shilde saǵat 16:00-degi jaǵdai boiynsha órtti sóndirýge 400-den asa adam jáne 100-ge jýyq tehnika jumyldyrylǵan. Kólemi 100 tonnadan asa sý sebilgen. Jedel shtab jumysy Premer-ministrdiń jeke baqylaýynda.
