Abai oblysynda joǵalyp ketken áiel 18 saǵatqa jýyq ýaqyttan keiin tabyldy, dep habarlaidy dalanews.kz.
17 maýsymda saǵat 00:36-da 102 arnasyna Kýrchatov qalasynyń 46 jastaǵy turǵyny joǵalǵany týraly habarlama túsken. Aldyn ala málimet boiynsha áiel úiinen shyǵyp ketip, qaita oralmaǵan.
Habar túsken boida politsiia qyzmetkerleri men tótenshe jaǵdailar qyzmetiniń mamandary izdeý jumystaryna kirisken. Izdeý barysynda qala kósheleri, aýlalar, qaraýsyz qalǵan ǵimarattar men mańaidaǵy aýmaqtar muqiiat tekserilgen.
17 saǵat 46 minýttan keiin ýchaskelik politsiia inspektorlary áieldi qaladan shamamen 25 shaqyrym jerde, ózen jaǵasynan tapqan.
Áiel qalyń shóp basqan, batpaqty jerde bolǵan. Ol qatty qorqyp qalǵandyqtan ózdiginen qozǵala almaǵan. Oǵan jetý úshin politseilerdiń biri batpaqty jerden jalańaiaq ótýge májbúr bolǵan.
Tártip saqshylary áieldi qaýipsiz jerge shyǵaryp, kómek kórsetti. Keiin ol týystaryna tabystaldy.
