Aqparat jáne kommýnikatsiialar ministri Dáýren Abaev Qaznette talqylanyp jatqan "sinafobiia" (Qytaidan qorqý) jaily pikir bildirdi dep jazady.
"Otkrytyi dialog" baǵdarlamasynyń efirinde Abaev Qytai azamattaryna qatysty vizasyz tártip engizý eshqashan kóterilmegenin jáne talqylanbaǵanyn málimdedi.
"Sonymen qatar tranzit jolaýshylaryna - Qytai men Úndistan azamattaryna qatysty 72 saǵattyq vizasyz tártip engizildi. Qazaqstannyń aýqymy keń, sondyqtan júk pen jolaýshylar tranzitin esten shyǵarmaýymyz qajet.
Máselen, Qytai azamattary Eýropaǵa, Reseige Qazaqstan arqyly ushsa, bul bizge tiimdi.
Biraq Qazaqstan arqyly temirjol kóligi qyzmetin paidalanatyn tranzit jolaýshylaryna da, ushyp-qoný intervaly uzaq áýereisterine de bir táýlik azdyq etedi, sondyqtan tranzit jolaýshylarynyń elde bolý ýaqytyn úsh táýlikke deiin uzarttyq", - dedi Dáýren Abaev.
Ol qaýipsizdik, kóshi-qon, tirkeý jáne sheteldikterdiń elde bolý tártibine jaýapty barlyq memlekettik organnyń barlyq sheteldikti, onyń ishinde "Qytai azamattaryn" baqylaýǵa qajetti barlyq quraly bar.
"Sinofobiia, iaǵni qytaifobiia tarihtan bastaý alady. Bul faktordy feik jasaýshylar júieli túrde qoldanylady, sebebi Qytaiǵa bailanysty kez kelgen "qorqynyshty áńgimeniń" barlyǵyn qazaqstandyq qoldanýshylar jelilerde birden ilip áketedi.
Ekinshi faktor - orys jáne tipti, aǵylshyn tilderine qaraǵanda bizdiń azamattardyń kóbi qytai tilin bile bermeidi.
Sondyqtan, shyn máninde ne bolyp jatqany bizge túsiniksiz qalady.
Úshinshi faktor - Qytaidy bilmeý. Qytaida bolǵan adam men bolmaǵan adamnyń oiynda bul el týraly oi árqily, osy sebepti qazaqstandyqtardyń basym bóligi stereotipke qatyp qalǵan. Qytailyqtar jappai Qazaqstanǵa umtylyp jatyr degen sóz - daqpyrt", - dep málimdedi Abaev.
Derekkóz: Tengrinews.kz.
