"وتكرىتىي ديالوگ" باعدارلاماسىنىڭ ەفيرىندە ابايەۆ جۇڭگو ازاماتتارىنا قاتىستى ۆيزاسىز ءتارتىپ ەنگىزۋ ەشقاشان كوتەرىلمەگەنىن جانە تالقىلانباعانىن مالىمدەدى.
"سونىمەن قاتار ترانزيت جولاۋشىلارىنا - جۇڭگو مەن ءۇندىستان ازاماتتارىنا قاتىستى 72 ساعاتتىق ۆيزاسىز ءتارتىپ ەنگىزىلدى. قازاقستاننىڭ اۋقىمى كەڭ، سوندىقتان جۇك پەن جولاۋشىلار ءترانزيتىن ەستەن شىعارماۋىمىز قاجەت.
ماسەلەن، جۇڭگو ازاماتتارى ەۋروپاعا، رەسەيگە قازاقستان ارقىلى ۇشسا، بۇل بىزگە ءتيىمدى.
ءبىراق قازاقستان ارقىلى تەمىرجول كولىگى قىزمەتىن پايدالاناتىن ترانزيت جولاۋشىلارىنا دا، ۇشىپ-قونۋ ينتەرۆالى ۇزاق اۋەرەيستەرىنە دە ءبىر تاۋلىك ازدىق ەتەدى، سوندىقتان ترانزيت جولاۋشىلارىنىڭ ەلدە بولۋ ۋاقىتىن ءۇش تاۋلىككە دەيىن ۇزارتتىق"، - دەدى داۋرەن ابايەۆ.
ول قاۋىپسىزدىك، كوشى-قون، تىركەۋ جانە شەتەلدىكتەردىڭ ەلدە بولۋ تارتىبىنە جاۋاپتى بارلىق مەملەكەتتىك ورگاننىڭ بارلىق شەتەلدىكتى، ونىڭ ىشىندە "جۇڭگو ازاماتتارىن" باقىلاۋعا قاجەتتى بارلىق قۇرالى بار.
"سينوفوبيا، ياعني قىتايفوبيا تاريحتان باستاۋ الادى. بۇل فاكتوردى فەيك جاساۋشىلار جۇيەلى تۇردە قولدانىلادى، سەبەبى قىتايعا بايلانىستى كەز كەلگەن "قورقىنىشتى اڭگىمەنىڭ" بارلىعىن قازاقستاندىق قولدانۋشىلار جەلىلەردە بىردەن ءىلىپ اكەتەدى.
ەكىنشى فاكتور - ورىس جانە ءتىپتى، اعىلشىن تىلدەرىنە قاراعاندا ءبىزدىڭ ازاماتتاردىڭ كوبى جۇڭگو ءتىلىن بىلە بەرمەيدى.
سوندىقتان، شىن مانىندە نە بولىپ جاتقانى بىزگە تۇسىنىكسىز قالادى.
ءۇشىنشى فاكتور - قىتايدى بىلمەۋ. قىتايدا بولعان ادام مەن بولماعان ادامنىڭ ويىندا بۇل ەل تۋرالى وي ءارقيلى، وسى سەبەپتى قازاقستاندىقتاردىڭ باسىم بولىگى ستەرەوتيپكە قاتىپ قالعان. قىتايلىقتار جاپپاي قازاقستانعا ۇمتىلىپ جاتىر دەگەن ءسوز - داقپىرت"، - دەپ مالىمدەدى ابايەۆ.
دەرەككوز: Tengrinews.kz.
