«Tym qaıǵyly jaǵdaı oryn aldy. Qaraly otbasynyń basynan keshirip jatqan kúnderin eń qorqynyshty túsińde de elestetý múmkin emes. Búkil el qazir bes búldirshinniń ata-anasymen birge qaıǵy jamylyp otyr» , - deıdi Dáýren Abaev.
Sondaı-aq, mınıstr qazirgi tańda áleýmettik jelide tarap jatqan Eńbek jáne halyqty áleýmettik qorǵaý mınıstri Mádına Ábilqasymovanyń otstavkaǵa ketýi týraly talaptyń ádiletsiz ekenin túsindirdi: «Alaıda, meniń oıymsha, balalardyń ólimi boıynsha mınıstr Ábilqasymovaǵa ǵana bar kináni artý ádiletsiz bolar edi. Kelisemin, eshkim de jaýapkershilikten jaltarmaýy kerek.
Aınalyp kelgende, biz - búkil memlekettik apparat - elimizde bolyp jatqan barlyq jaılarǵa jaýaptymyz.
Bir nárseni túsinýimiz kerek, osy qaıǵyly oqıǵaǵa bir ǵana emes, birneshe faktor sebep boldy jáne barlyq máseleni Eńbek jáne halyqty áleýmettik qorǵaý mınıstrliginiń jumysy sheshe alady deýge kelmeıdi. Mádına Erasylqyzynyń ózi de, áıel retinde, úsh balanyń anasy retinde bul jaǵdaıdy aýyr qabyldady. Sol sebepti, tek konstrýktıvti syn qalyp, arandatý toqtaıdy degen úmittemin. Onyń ústine men mınıstr Ábilqasymovany óz isine adal kásipqoı maman retinde bilemin», - deıdi Dáýren Abaev.
Derekkóz: Ult portaly
