«تىم قايعىلى جاعداي ورىن الدى. قارالى وتباسىنىڭ باسىنان كەشىرىپ جاتقان كۇندەرىن ەڭ قورقىنىشتى تۇسىڭدە دە ەلەستەتۋ مۇمكىن ەمەس. بۇكىل ەل ءقازىر بەس ءبۇلدىرشىننىڭ اتا-اناسىمەن بىرگە قايعى جامىلىپ وتىر» ، - دەيدى داۋرەن ابايەۆ.
سونداي-اق، مينيستر قازىرگى تاڭدا الەۋمەتتىك جەلىدە تاراپ جاتقان ەڭبەك جانە حالىقتى الەۋمەتتىك قورعاۋ ءمينيسترى ءمادينا ءابىلقاسىموۆانىڭ وتستاۆكاعا كەتۋى تۋرالى تالاپتىڭ ادىلەتسىز ەكەنىن ءتۇسىندىردى: «الايدا، مەنىڭ ويىمشا، بالالاردىڭ ءولىمى بويىنشا مينيستر ءابىلقاسىموۆاعا عانا بار كىنانى ارتۋ ادىلەتسىز بولار ەدى. كەلىسەمىن، ەشكىم دە جاۋاپكەرشىلىكتەن جالتارماۋى كەرەك.
اينالىپ كەلگەندە، ءبىز - بۇكىل مەملەكەتتىك اپپارات - ەلىمىزدە بولىپ جاتقان بارلىق جايلارعا جاۋاپتىمىز.
ءبىر نارسەنى ءتۇسىنۋىمىز كەرەك، وسى قايعىلى وقيعاعا ءبىر عانا ەمەس، بىرنەشە فاكتور سەبەپ بولدى جانە بارلىق ماسەلەنى ەڭبەك جانە حالىقتى الەۋمەتتىك قورعاۋ مينيسترلىگىنىڭ جۇمىسى شەشە الادى دەۋگە كەلمەيدى. ءمادينا ەراسىل قىزىنىڭ ءوزى دە، ايەل رەتىندە، ءۇش بالانىڭ اناسى رەتىندە بۇل جاعدايدى اۋىر قابىلدادى. سول سەبەپتى، تەك كونسترۋكتيۆتى سىن قالىپ، ارانداتۋ توقتايدى دەگەن ۇمىتتەمىن. ونىڭ ۇستىنە مەن مينيستر ءابىلقاسىموۆانى ءوز ىسىنە ادال كاسىپقوي مامان رەتىندە بىلەمىن»، - دەيدى داۋرەن ابايەۆ.
دەرەككوز: ۇلت پورتالى
