Qarjy monitoringi agenttigi tóraǵasynyń orynbasary Qairat Bijanov memlekettik satyp alýdaǵy negizsiz baǵa ósimi týraly aitty, dep habarlaidy Dalanews.kz.
Úkimet otyrysynda Bijanov shaǵyn memlekettik satyp alý kezinde (100 AEK-ke deiin, iaǵni 2025 jyly 393 200 teńgege deiin) kelisimsharttaǵy baǵa men naqty qun arasynda úlken aiyrmashylyqtar bar ekenin málimdedi. Onyń aitýynsha, qarapaiym oraýysh skotchtyń bir danasy kei kelisimsharttarda 2 myń teńgeden 99 myń teńgege deiin kórsetilgen.
Agenttik kelesi zańbuzýshylyqtardy anyqtady:
-
7,5 myń jaǵdaida kelisimshart jasalǵannan keiin baǵa usynystary júieden óshirilgen;
-
8 myń kelisimshart (jalpy somasy 8,3 mlrd teńge) boiynsha iriktep júrgizilgen taldaý baǵanyń 4 mlrd teńgege jýyq negizsiz kóterilgenin kórsetti;
-
Tehnikalyq talaptarǵa sai kelmeitin taýarlar jetkizý faktileri tirkelgen.
Mundai satyp alýlar Omarket.kz platformasy arqyly júrgiziledi. Júie eń tómen baǵany avtomatty túrde tańdaýy tiis. Alaida Bijanovtyń aitýynsha, is júzinde ortasha baǵany jasandy kóterý shemalary jii kezdesedi.
Agenttik memlekettik satyp alý rásimderin baqylaý men retteýdi kúsheitetinin málimdedi.
Maqsat - biýdjet qarjysynyń ashyq ári tiimdi jumsalýyn qamtamasyz etý.
