– Sizderdi jyr alyby Jambyl Jabaevtyń esimin ielengen irgeli bilim ordasynyń 90 jyldyq mereitoiymen shyn júrekten quttyqtaimyn! Bul mektep 90 jylda talai shákirtti qanattandyryp, úlken ómirge ushyryp keldi. Keńester Odaǵynyń Batyry Beisen Ońtaev, memleket jáne qoǵam qairatkerleri Beken Ábdirazaqov, Dýlat Isabekov, Sadyqbek Adambekov, Qosjan Músirepov osy oqý ordasynda bilim alǵanyn biz maqtan etemiz. Alyptardy shyǵarǵan bul bilim uiasy, halqynyń qamyn jeitin áli talai urpaq tárbieleitinine bek senimdimin, – dedi Janseiit Qanseiituly.
Shara barysynda óńir basshysy men jazýshy D.Isabekov mekteptiń aldynda boi kótergen qazaq halyq poeziiasynyń áigili tulǵasy, jyraý, jyrshy J.Jabaevtyń eskertkishin saltanatty túrde ashyp berdi. Budan bólek, 3 tilde jaryq kórgen «Altyn uia» atty kitaptyń tusaýyn kesip, ózderiniń qoltańbalaryn qaldyrdy. Sondai-aq, oblys ákimi atalǵan bilim usynda bilim alyp, óńirimizdiń ósip órkendeýine súbeli úles qosyp júrgen birqatar azamattardy arnaiy marapattap, qurmet kórsetti.
Aita keteiik, ǵasyrǵa jýyq tarihy bar bilim oshaǵynda 2016 jyly oblystyq biýdjettiń esebinen 10000,0 myń teńge qarjy qaralyp, kúrdeli jóndeý jumystary júrgizilgen. Qazirgi tańda munda 54 ulaǵatty ustaz 430-dan astam oqýshyǵa bilim berip keledi.
OQO ákiminiń baspasóz qyzmeti
