Qarjylyq monitoring agenttigi Qostanai oblysynda densaýlyq saqtaý obektilerin salý kezinde zańsyz syiaqy alý faktisi boiynsha sotqa deiingi tergep-tekserýdi bastady, dep habarlaidy Dalanews.kz.
"Avtorlyq qadaǵalaý tobynyń basshysy bopsalaý arqyly oryndalǵan jumystar aktilerine jáne paidalanýǵa berý aktilerine kedergisiz qol qoiǵany úshin "Aýyldyq densaýlyq saqtaýdy jańǵyrtý" ulttyq jobasy sheńberinde dárigerlik ambýlatoriialar salýdy iske asyratyn kompaniianyń bas injenerinen 9 mln teńge kóleminde zańsyz syiaqy alǵany anyqtaldy", – delingen QMA habarlamasynda.
Kúdikti atalǵan obektilerdi salý qunynyń jalpy somasynyń 1%-y kóleminde aqshany alý kezinde ustaldy. Sotqa deiingi tergeý jalǵasyp jatyr.
QR QPK 201-babynyń talaptaryna sáikes ózge málimetter jariia etýge jatpaidy.
