Memleket Basshysy  Elbasy N.Á. Nazarbaevtyń jyl saıynǵy Qazaqstan halqyna joldaýy aıasynda berilgen tapsyrmalaryn oryndaý maqsatynda Almaty oblysy óz turǵyndaryna «7-20-25» turǵyn úı sertıfıkattaryn berýdi bastaıdy. Búgin Almaty oblysynyń ákimi Amandyq Batalov pen  «Baspana» Ipotekalyq uıymynyń basshysy Qaırat Altynbekov tıisti Memorandýmǵa qol qoıdy.

Osylaısha, aımaq turǵyndary mamandar 2 mlrd. teńge kóleminde áleýmettik kómek alady.

– Almaty oblysynyń ákimdigine bastapqy jarnany azaıtý boıynsha áleýmettik bastamalarǵa der kezinde qoldaý kórsetkeni úshin alǵys aıtqym keledi. Elimizdiń qalalary men oblystarynda turǵyndarǵa «7-20-25» baǵdarlamasyna qatysý úshin turǵyn úı sertıfıkattaryn berý bastalyp ketti. Memleket basshysynyń tapsyrmasyn ýaqtyly oryndaý ıpotekalyq baǵdarlamaǵa úlken serpin beretin bolady, – dedi «Baspana» Ipotekalyq uıymynyń basqarma tóraǵasy Qaırat Altynbekov.

Sondaı-aq, Almaty oblysynyń ákimi Amandyq Batalov óńirde «7-20-25» baǵdarlamasy úshin 500 myń sharshy metr turǵyn úı salynatyndyǵyn habarlady.

Esterińizde bolsa, bastapqy turǵyn úı boıynsha usynystardy kóbeıtý maqsatynda «Baspana» Ipotekalyq uıymyjergilikti atqarý organdaryna 150 mlrd teńge bólgen bolatyn.