Ishki ister ministrligi ata-analardy sý aidyndarynda demalý kezinde balalardy qatań baqylaýda ustaýǵa shaqyrdy, dep habarlaidy dalanews.kz.
Vedomstvo málimetinshe, shomylý maýsymy bastalǵaly beri elimizdiń sý aidyndarynda 69 bala qaza tapqan.
"Ishki ister ministrligi balalardyń sýdaǵy qaýipsizdigine erekshe nazar aýdarady. Shomylý maýsymy bastalǵaly beri elimizde 69 bala sýǵa batyp, kóz jumdy. Qaiǵyly oqiǵalardyń basym bóligi shomylýǵa ruqsat etilmegen jáne arnaiy jabdyqtalmaǵan jerlerde tirkeldi. Qaýipsizdik maqsatynda tek arnaiy jabdyqtalǵan jaǵajaida shomylyńyzdar, balalardy sý aidyndary mańynda qaraýsyz qaldyrmańyzdar, olarǵa beitanys jerlerde shomylý qaýipti ekenin túsindirińizder, aptap ystyqtan keiin birden sýyq sýǵa túspeńizder. Tyiym salynǵan oryndarda shomylǵany úshin ákimshilik jaýapkershilik qarastyrylǵanyn eskertemiz. Jyl basynan beri osy quqyqbuzýshylyq úshin 2700-den asa azamat jaýapkershilikke tartyldy" - dedi IIM profilaktikalyq jumysty úilestirý komitetiniń tóraǵasy Arman Sadanov.
