Aǵymdaǵy jyly basqarmaǵa jeke jáne zańdy tulǵalardan, memlekettik, quqyq qorǵaý jáne jergilikti organdarynan 4708 aryz-shaǵym kelip túsken. Onyń 3797-i qaralyp, 286-syna tekserý taǵaıyndalǵan. Nátıjesinde jer ýchaskelerin óz maqsatyna saı paıdalanbaǵan jáne jer zańnamalaryn buzǵan 218 jer ýchaskesine 8 871 000 tenge aıyppul salynypty.
– Búginde salynǵan aıyppuldyń 3 978 000 teńgesi óndirilip, olarǵa zań buzýshylyqtardy joıý týraly nusqamalar berildi. Jergilikti atqarýshy organdar tarapynan zańsyz qabyldanǵan jáne jyljymaıtyn múlikti jarıa etý komısıasynyń jalǵan sheshimderimen 131 sheshimdi joıý týraly sot organdaryna talap-aryz berilip, onyń 69-y qanaǵattandyrylyp otyr, – deıdi Altynbek Ábdiqaıymuly.
Budan bólek, aýyl sharýashylyǵy maqsatyndaǵy 1235 jer ıeleriniń 45157 gektar jeri anyqtalyp, jer zańdylyǵynyń buzylýyn joıý jóninde nusqamalar berilgen. Sondaı-aq 1748 jer ıesiniń 83 300 gektar jerine qaıta tekserý jumystary júrgizilip, nátıjesinde 4 jer ıesi 244,6 gektardy quraıtyn jerinen óz erkimen bas tartypty. Búginde bul jerler memleket menshigine qaıtarylsa, 5 jer ıesiniń 73,9 gektar jerin memleketke májbúrlep qaıtarý týraly sotqa talap-aryz daıyndalýda.
OQO ákiminiń baspasóz qyzmeti
Foto. Samat Myrzalıev.
