63 myń gektardan astam jer memleket menshigine qaitaryldy
Onyń aitýynsha, túgende jumystary kezinde 5912 jer paidalanýshylardyń 241 myń ga jerleri paidalanylmai jatqandyǵy anyqtalǵan.
– Esepti kezeńde 63,8 myń gektar jer aýdan, qala ákimdigi tarapynan memleket menshigine qaitarylsa, 61,1 myń gektar jer qaita igerýge kiristi. Al 5,24 myń gektar jer iesiz múlik retinde esepke qoiylsa, 27,1 myń gektar jer aýdan ákimdiginiń qaraýyndaǵy jerler bolyp shyqqan. Sondai-aq, 83,8 myń gektar bolatyn jerlerge shara kórý úshin oblystyq jer inspektsiiasy basqarmasynyń qaraýyna usynyldy, – dedi basqarma basshysy.
Brifingte málim bolǵandai oblystaǵy investitsiialyq ahýaldy jaqsartý maqsatynda aýyl sharýashylyǵy jerler konkýrs arqyly ainalymǵa engizilýde. Máselen, sońǵy 3 jylda aýyl sharýashylyq maqsatyndaǵy 53 konkýrs uiymdastyrylǵan. Nátijesinde 309 myń gektar jer ýchaskeleri jalǵa berildi, al biylǵy jyly 73,8 myń gektar jer ainalymǵa qosylyp otyr.
Aita keteiik, óńirde aýyl sharýashylyǵy baǵytyndaǵy 6815,7 myń gektar jerler bolsa, onyń ishinde 911,4 myń gektar egistik jer, 5635,8 myń gektar jaiylymdyq, 84,5 myń gektar shabyndyq, al kóp jyldyq ekpeler (baýlar) 29 myń gektardy qurap otyr.
OQO ákiminiń baspasóz qyzmeti
