ونىڭ ايتۋىنشا، تۇگەندە جۇمىستارى كەزىندە 5912 جەر پايدالانۋشىلاردىڭ 241 مىڭ گا جەرلەرى پايدالانىلماي جاتقاندىعى انىقتالعان.
– ەسەپتى كەزەڭدە 63،8 مىڭ گەكتار جەر اۋدان، قالا اكىمدىگى تاراپىنان مەملەكەت مەنشىگىنە قايتارىلسا، 61،1 مىڭ گەكتار جەر قايتا يگەرۋگە كىرىستى. ال 5،24 مىڭ گەكتار جەر يەسىز مۇلىك رەتىندە ەسەپكە قويىلسا، 27،1 مىڭ گەكتار جەر اۋدان اكىمدىگىنىڭ قاراۋىنداعى جەرلەر بولىپ شىققان. سونداي-اق، 83،8 مىڭ گەكتار بولاتىن جەرلەرگە شارا كورۋ ءۇشىن وبلىستىق جەر ينسپەكسياسى باسقارماسىنىڭ قاراۋىنا ۇسىنىلدى، – دەدى باسقارما باسشىسى.
بريفينگتە ءمالىم بولعانداي وبلىستاعى ينۆەستيسيالىق احۋالدى جاقسارتۋ ماقساتىندا اۋىل شارۋاشىلىعى جەرلەر كونكۋرس ارقىلى اينالىمعا ەنگىزىلۋدە. ماسەلەن، سوڭعى 3 جىلدا اۋىل شارۋاشىلىق ماقساتىنداعى 53 كونكۋرس ۇيىمداستىرىلعان. ناتيجەسىندە 309 مىڭ گەكتار جەر ۋچاسكەلەرى جالعا بەرىلدى، ال بيىلعى جىلى 73،8 مىڭ گەكتار جەر اينالىمعا قوسىلىپ وتىر.
ايتا كەتەيىك، وڭىردە اۋىل شارۋاشىلىعى باعىتىنداعى 6815،7 مىڭ گەكتار جەرلەر بولسا، ونىڭ ىشىندە 911،4 مىڭ گەكتار ەگىستىك جەر، 5635،8 مىڭ گەكتار جايىلىمدىق، 84،5 مىڭ گەكتار شابىندىق، ال كوپ جىلدىق ەكپەلەر (باۋلار) 29 مىڭ گەكتاردى قۇراپ وتىر.
وقو اكىمىنىڭ باسپا ءسوز قىزمەتى
