Olımpıada túrleri boıynsha sportty damytý Dıreksıasynyń basshysy 60 mln teńgeden astam búdjet qarajatyn urlaǵany jáne qaramaǵyndaǵy qyzmetkerden 4 mln teńge kóleminde para alǵany úshin kináli dep tanyldy, - dep habarlaıdy Dalanews.kz.

Sportshylarǵa arnalǵan sport zaldaryn tegin alý múmkindigi bola tura, olardy jalǵa alý týraly enshiles tulǵalarmen memlekettik satyp alý sharttary jasalyp, oqý-jattyǵý jıyndaryna bólingen búdjet qarajaty jymqyrylǵan.

Sonymen qatar, basshymen birge búdjet qarajatyn urlaýǵa kómekteskeni úshin Dıreksıa qyzmetkeri de sottaldy.

Memlekettik aıyptaýshy sotqa barlyq dáleldemelerdi usyna otyryp, sottalýshylardyń kinásizdigi týraly ýájderin joqqa shyǵardy.

Sot úkimimen árqaısysyna memlekettik qyzmette laýazymdardy atqarýǵa ómir boıyna tyıym salyna otyryp, basshy 5 jylǵa, al onyń kómektesýshisi 4 jylǵa bas bostandyǵynan aıyrý jazasyna sottaldy.

Úkim zańdy kúshine endi.