Ónerkásip komıtetiniń tóraǵasy Azamat Panbaev 85 myń teńge jalaqy alatyn qazaqstandyqtar 6 mıllıon turatyn otandyq eń arzan kólikti alý úshin qansha ýaqyt aqsha jınaýy kerek ekenin aıtty, dep habarlaıdy Dalanews.kz.
Bul saýalǵa sheneýnik brıfıńte jaýap berdi.
"Qazaqstanda avtokólik óndirisimen segiz ónerkásip kesheni aınalysady. Ekeýi jeńil avtokólik óndirisine baǵdarlanǵan: Qostanaıda jáne Almatyda. Olardyń óndiris kólemi 134 myńǵa jetti. Eń tómengi klasstaǵy kóliktiń quny, qatelespesem, 6 mıllıonǵa jýyq", - deıdi ol.
Ónerkásip komıtetiniń tóraǵasy "qazaqstandyqtar mundaı jalaqymen qansha ýaqytta kólik ala alady?" degen saýal mınıstrliktiń quzyretine kirmeıtinin aıtty.
"Jalaqy máselesi bizdiń mınıstrliktiń tikeleı quzyretinde emes. Biraq matematıkalyq turǵydan alsańyz 6 mıllıondy 85-ke bólesiz ǵoı", - dedi vedomstvo ókili.
