ونەركاسىپ كوميتەتىنىڭ ءتوراعاسى ازامات پانبايەۆ 85 مىڭ تەڭگە جالاقى الاتىن قازاقستاندىقتار 6 ميلليون تۇراتىن وتاندىق ەڭ ارزان كولىكتى الۋ ءۇشىن قانشا ۋاقىت اقشا جيناۋى كەرەك ەكەنىن ايتتى، دەپ حابارلايدى Dalanews.kz.
بۇل ساۋالعا شەنەۋنىك بريفينگتە جاۋاپ بەردى.
"قازاقستاندا اۆتوكولىك وندىرىسىمەن سەگىز ونەركاسىپ كەشەنى اينالىسادى. ەكەۋى جەڭىل اۆتوكولىك وندىرىسىنە باعدارلانعان: قوستانايدا جانە الماتىدا. ولاردىڭ ءوندىرىس كولەمى 134 مىڭعا جەتتى. ەڭ تومەنگى كلاسستاعى كولىكتىڭ قۇنى، قاتەلەسپەسەم، 6 ميلليونعا جۋىق"، - دەيدى ول.
ونەركاسىپ كوميتەتىنىڭ ءتوراعاسى "قازاقستاندىقتار مۇنداي جالاقىمەن قانشا ۋاقىتتا كولىك الا الادى؟" دەگەن ساۋال مينيسترلىكتىڭ قۇزىرەتىنە كىرمەيتىنىن ايتتى.
"جالاقى ماسەلەسى ءبىزدىڭ مينيسترلىكتىڭ تىكەلەي قۇزىرەتىندە ەمەس. ءبىراق ماتەماتيكالىق تۇرعىدان الساڭىز 6 ميلليوندى 85-كە بولەسىز عوي"، - دەدى ۆەدومستۆو وكىلى.
