Astanadaǵy "Eolus" qarjy piramidasynyń qurylymdyq bólimshesin uiymdastyrýshycy birneshe jylǵa bas bostandyǵynan aiyryldy. Ol 535 adamnyń qarjysyn jymqyrǵan, dep habarlaidy Dalanews.kz.
Onyń 2023 jyly AQSh-ta ornalasqan jańartylatyn energiia kózderine investitsiia salý jeleýimen jeke tulǵalardan aqsha tartý maqsatynda keńse jaldap, "ENERGY EOLUS QAZAQSTAN" JShS-ny tirkegeni anyqtaldy.
Investorlardyń qarajaty kriptovaliýta túrinde tartyldy jáne esepke alý men qaita bólý úshin sheteldik hakerler jasaǵan "energyeolus.info" platformasynda kórsetildi. Astanada aqshasyn salǵan 535 adam tartyldy.
Sot sheshimimen 187 mln teńgege teń 408 myń USDt kólemindegi kriptovaliýta memleket paidasyna tárkilendi.
Sot úkimimen uiymdastyrýshy kináli dep tanylyp, múlki tárkilendi. Sonymen qatar 6 jyl merzimge bas bostandyǵynan aiyrý, 5 jyl merzimge azamattardyń qarajaty men investitsiialaryn tartýǵa bailanysty qyzmetpen ainalysý quqyǵynan aiyrý jazasy taǵaiyndaldy.
"Qarjy piramidasyn qurý qylmystyq jaýapkershilikke tartylatynyn jáne múlki tárkilenip, 10 jylǵa deiin bas bostandyǵynan aiyrýmen jazalanatynyn eskertemiz. Qarajatty investitsiialaý kezinde kompaniianyń senimdiligin tekserý qajet. Osy maqsatta "Baiqa, piramida!" telegram boty jumys isteidi", - delingen QMA aqparatynda.
