Shymkent turǵyny Rolan Anatoly 49 kúnde velosipedpen shamamen 8 myń shaqyrymdy eńserip, qasietti Mádina qalasyna deiin jetti, dep habarlaidy Dalanews.kz
Ol 13 qazanda jolǵa shyǵyp, Qazaqstan → Resei → Grýziia → Armeniia → Iran → BAÁ → Qatar baǵytymen Saýd Arabiiasyna jetken.
Saiahatshynyń aitýynsha, sapardyń basty maqsaty – qulshylyq jasaý jáne jol boiyndaǵy tabiǵattyń sulýlyǵyn óz kózimen kórý.
"Ne sebepti Mekkege velosipedpen jolǵa shyqtym? Árine, saparymnyń maqsaty - qulshylyq etý. Sondai-aq jol boiyndaǵy ásem tabiǵatty kórip, tamsanyp baramyn", – deidi Rolan.
Alaida saiahatshy Mádina qalasyna velosipedpen kire almaǵan. Quqyq qorǵaý organdary qalaǵa eki dóńgelekti kólikpen kirýge ruqsat bermei, shekaralyq núktede toqtatqan.
Biraq kútpegen jerden Ýmra saparlaryn uiymdastyratyn kompaniia Rolanmen bailanysyp, onyń sapar maqsatyn túsindirip, Saýd Arabiiasynyń quqyq qorǵaý organdarymen kelisim júrgizgen.
Nátijesinde kompaniia arnaiy kólik jiberip, otandasymyzdy qasietti Mádina qalasyna jetkizdi.
