Kezekti 484-baspananyń ıesi atanǵan Valentına Isaeva 4 ul, 2 qyz tárbıelep otyr. Tuńǵyshy áskerde Otan aldyndaǵy boryshyn ótep júrgen azamat bolsa, kenjesi 7 jasta.
Jalǵyzbasty ana muqtaj otbasylarǵa halyqtyń yqylasy men amanatyn jetkizip júrgen qor ujymyna alǵys bildirdi.
– 9 jyldan beri aǵamnyń dosynyń úıinde turyp keldik. Úı ábden tozǵan, degenmen odan basqa amalymyz da bolmady. Jomart jandarmen baılanysty áleýmettik jeli arqyly ornattyq. Eki aıda baspanaǵa qol jetkizýimiz túsim sekildi. Rasynda kóńilimdi shattyq kernep tur, – dedi Valentına Ákimqyzy.
Qaıyrymdylyq qordyń Túrkistandaǵy ókili Berik Kenjebekovtiń aıtýynsha, az qamtylǵan otbasy jaǵdaıymen tanysa kele, dál osy shańyraqqa shattyq syılaýdy jón kórgen.
Jalpy Túrkistan oblysy boıynsha qaıyrymdylyq qor tarapynan muqtaj jandarǵa 8 úı berilse, onyń úsheýi Arys, ekeýi Kentaý, úsheýi Túrkistan qalalaryndaǵy otbasylarǵa buıyrǵan.
