4 maýsym – Qazaqstan Respýblikasynyń Memlekettik rámizder kúni. Bul data elimizdiń táýelsizdigi men egemendigin aishyqtaityn mańyzdy merekelerdiń biri sanalady, dep habarlaidy dalanews.kz.
1992 jyldyń dál osy kúni Qazaqstannyń Memlekettik Týy, Eltańbasy jáne Ánurany bekitilip, táýelsiz memlekettiń basty nyshandary resmi túrde qabyldandy.
Memlekettik rámizder – eldiń egemendigi, birligi men tutastyǵynyń belgisi. Olardy qurmetteý – árbir azamattyń paryzy ári jaýapkershiligi.
Almatyda qandai is-sharalar ótedi?
Memlekettik rámizder kúnine orai Almaty qalasynda birqatar merekelik is-shara uiymdastyrylady. Atap aitqanda, «Medeý» sport kesheninde Memlekettik Týdy kóterý rásimi ótse, Dostyq úiinde konferentsiia uiymdastyrylady. Al Kóktóbede merekelik kontsert josparlanǵan.
Sonymen qatar qaladaǵy barlyq aýdanda taqyryptyq mádeni-kópshilik is-sharalar ótkiziledi.
Astanada Memlekettik Gimn oryndaldy
Elordada merekege orai «Jastar» saraiynyń alańynda Qazaqstan Respýblikasynyń Memlekettik Gimni shyrqaldy.
Is-sharaǵa «Jastar» saraiynyń kontserttik ujymdary, balalar shyǵarmashylyq ujymdarynyń tárbielenýshileri, bi teatrynyń qatysýshylary men mekeme qyzmetkerleri qatysty.
Memlekettik rámizderdi ulyqtaýǵa baǵyttalǵan sharaǵa kontserttik jáne shyǵarmashylyq ujymdardyń 100-ge jýyq ókili qatysqan.
