Arman Juman - Qańtar oqiǵasy kezinde qaza tapqan 4 jasar Aikórkemniń isine qatysty jalǵyz kúdikti áskeri. Búgin Astanadaǵy áskeri sottyń apelliatsiialyq alqasy Arman Jumandy aqtaý úkiminiń kúshin joidy, - dep habarlaidy Dalanews.kz.
Astana qalasynyń soty Qańtar oqiǵasy kezinde qaza tapqan 4 jasar Aikórkemniń isi boiynsha birinshi satydaǵy úkimge apelliatsiialyq shaǵymdy qarady.
Sot birinshi satydaǵy úkimniń kúshin joiý jáne sottalýshy áskeri qyzmetshi Arman Jumanǵa 7 jylǵa bas bostandyǵynan aiyrý jazasyn taǵaiyndaý týraly qaýly shyǵardy.
Arman Juman sot zalynda qamaýǵa alyndy.
Qarashada Almaty garnizonynyń áskeri soty kelisimshart boiynsha áskeri qyzmetker Arman Jumandy aqtady. Ol 2022 jyly Qańtar oqiǵasy kezinde 4 jasar Aikórkemniń ólimi týraly is boiynsha "ókilettigin asyra paidalandy" dep aiyptaldy. Prokýror aiyptalýshyny jeti jylǵa bas bostandyǵynan aiyrýdy surady.
Aita keteiik, Aikórkem Meldehan 2022 jyly 6 qańtarda qaza tapty. Aikórkem, onyń aǵasy men ápkesi otyrǵan kólikke oq atylǵan. Oq Aikórkemniń basyna tigen, al aǵasy men ápkesi jaraqattar alǵan.
