ارمان جۇمان - قاڭتار وقيعاسى كەزىندە قازا تاپقان 4 جاسار ايكوركەمنىڭ ىسىنە قاتىستى جالعىز كۇدىكتى اسكەري. بۇگىن استاناداعى اسكەري سوتتىڭ اپەللياسيالىق القاسى ارمان جۇماندى اقتاۋ ۇكىمىنىڭ كۇشىن جويدى، - دەپ حابارلايدى Dalanews.kz.
استانا قالاسىنىڭ سوتى قاڭتار وقيعاسى كەزىندە قازا تاپقان 4 جاسار ايكوركەمنىڭ ءىسى بويىنشا ءبىرىنشى ساتىداعى ۇكىمگە اپەللياسيالىق شاعىمدى قارادى.
سوت ءبىرىنشى ساتىداعى ۇكىمنىڭ كۇشىن جويۋ جانە سوتتالۋشى اسكەري قىزمەتشى ارمان جۇمانعا 7 جىلعا باس بوستاندىعىنان ايىرۋ جازاسىن تاعايىنداۋ تۋرالى قاۋلى شىعاردى.
ارمان جۇمان سوت زالىندا قاماۋعا الىندى.
قاراشادا الماتى گارنيزونىنىڭ اسكەري سوتى كەلىسىمشارت بويىنشا اسكەري قىزمەتكەر ارمان جۇماندى اقتادى. ول 2022 جىلى قاڭتار وقيعاسى كەزىندە 4 جاسار ايكوركەمنىڭ ءولىمى تۋرالى ءىس بويىنشا "وكىلەتتىگىن اسىرا پايدالاندى" دەپ ايىپتالدى. پروكۋرور ايىپتالۋشىنى جەتى جىلعا باس بوستاندىعىنان ايىرۋدى سۇرادى.
ايتا كەتەيىك، ايكوركەم مەلدەحان 2022 جىلى 6 قاڭتاردا قازا تاپتى. ايكوركەم، ونىڭ اعاسى مەن اپكەسى وتىرعان كولىككە وق اتىلعان. وق ايكوركەمنىڭ باسىنا تيگەن، ال اعاسى مەن اپكەسى جاراقاتتار العان.
